Ońtústik óńiriniń turǵyndaryn soltústikke qonystandyrý máseleleri boıynsha onlaın dóńgelek ústel ótti. Shymkent qoǵamdyq keńestiń múshesi Rýstem Ashetaev pen «SHANYRAQ» Otbasy ınstıtýtyn qoldaý ortalyǵynyń uıymdastyrýymen ótken sharada ZOOM arqyly qala turǵyndary Soltústik Qazaqstan oblysynyń jumyspen qamtý ortalyǵynyń mamandarymen tildese aldy. Memlekettik baǵdarlamanyń tıimdiligi men talaptary qala turǵyndaryna keńinen túsindirildi.

Atalǵan baǵdarlamanyń maqsaty - ońtústikten qonys aýdarýshylardy jumyspen qamtý. Óńir ókilderiniń aıtýynsha, qazirgi tańda soltústik óńirde bilikti dárigerler men muǵalimder suranysqa ıe.

Bıyl ońtústikten qonys aýdarǵan ár otbasy múshesine beriletin sýbsıdıa mólsheri - 70 AEK. Iaǵnı, 204 myń teńge qarajat kóship jaıǵasý úshin kómek retinde beriledi.

Aıta ketsek, 2020-2021 jyly Shymkent qalasy boıynsha 67 otbasy qonys aýdarýǵa nıet bildirgen. Jalpy ótken jyly ońtústikten qonys aýdarǵan otbasylardyń basym bóligi aýylsharýshylyǵy men mal sharýashylyǵy kásibimen aınalysyp, kásipterin damytyp otyr.
Soltústikke qonys aýdarý máselesi boıynsha Báıdibek bı dańǵyly, 32 A ǵımaraty, «SHANYRAQ» Otbasy ınstıtýtyn qoldaý ortalyǵynan qosymsha aqparat alýǵa bolady.