Jambyl oblysyndaǵy jarylystan qaza tapqandar sany 14 adamǵa jetti. Bul týraly Tótenshe jaǵdaılar mınıstrligi habarlady.

“Qorǵanys mınıstrliginiń saperleri oqıǵa ornynan taǵy bir adamnyń denesin tapty. Onyń kim ekeni anyqtalyp jatyr" dep jazylǵan habarlamada.

Osylaısha, Jambyl oblysyndaǵy áskerı qoımadaǵy jarylystan qaza tapqandar sany 14-ke jetti. Joǵalǵan 2 adam izdestirilýde.

26 tamyz kúni Jambyl oblysy Baızaq aýdanynda ornalasqan áskerı bólimde saǵat 19.00 shamasynda qoımalardyń biriniń janynda órt shyqqan. Órt saldarynan qoımadaǵy oq-dári jarylyp, saldarynan 14 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.