Belgili aqyn, jýrnalıs Nesipbek Dáýtaıuly qaıtys boldy.

Nesipbek Dáýtaıuly 1947 jyly 30 aqpanda Jambyl oblysy Qordaı aýdany Kırov atyndaǵy kolhozda (qazirgi Kenen aýyly) dúnıege kelgen. Qazaq memlekettik ýnıversıtetin bitirgen.

1972—1980 jyldary aýdandyq «Qordaı» gazetinde tilshi, bólim meńgerýshisi, jaýapty hatshy qyzmetterin atqarǵan. Jambyl oblystyq gazetinde menshikti tilshi bolǵan. Sońǵy jyldary «Jambyl» ádebı-kópshilik jýrnalynyń Bas redaktory bolǵan. Qazaqstan Jazýshylar odaǵy Jambyl oblystyq fılıalynyń dırektory qyzmetin atqarǵan.

Ol tańdaýly kórkem shyǵarmalarǵa arnalǵan respýblıkalyq jabyq báıgelerdiń júldegeri, Ǵ.Mustafınniń 100 jyldyǵyna baılanysty úzdik áńgimelerge arnalǵan ádebı báıgeniń bas jeńimpazy bolǵan. QR Ulttyq kitaphanasy ótkizgen «Eń úzdik roman» baıqaýynda «Qudiret pen qasiret» romany júlde ıelengen. Halyqaralyq «Alash» ádebı syılyǵynyń, «Qazaq ádebıeti» gazetiniń proza janry boıynsha laýreaty.  Halyqaralyq «Daraboz» ádebı báıgesiniń Bas jeńimpazy atanǵan.