Shymkenttik turǵynnan 264 keli qarasora tárkilendi. Shymkent qalasynyń Polısıa departamenti Esirtki qylmysyna qarsy is-qımyl basqarmasynyń qyzmetkerlerimen «Qarasora-2021» jedel-profılaktıkalyq is-sharasy aıasynda tyıym salynǵan ósimdikterdi ósirý faktisin anyqtaldy.

Polıseıler Qaınar-bulaq saıajaıynyń turǵyny óz aýlasynda quramynda esirtki bar ósimdik  qarasorany iri mólsherde ósirgenin anyqtady. Tártip saqshylary tintý kezinde jalpy salmaǵy 264 keliden asatyn 1426 dana qarasora butasyn tárkilep aldy.

Atalǵan fakti boıynsha QR QK 300-babynyń 2-bóligi (Ósirýge tyıym salynǵan ósimdikterdi egý nemese ósirý nemese soranyń, kóknárdiń nemese quramynda esirtki zattar bar basqa da ósimdikterdiń suryptaryn egip-ósirý) boıynsha qylmystyq is tirkeldi. Qazirgi ýaqytta sotqa deıingi tergep-tekserý amaldary júrgizilýde.