Shymkentte múmkindigi shekteýli azamattar úshin qolaıly orta qalyptastyrý maqsatynda áleýmettik taksı men ınvataksı qyzmet kórsetedi.

Shymkent qalasy boıynsha bekitilgen 18 ınvataksı múmkindigi shekteýli jandardy qala ishindegi qalaǵan mekenjaıyna tegin aparady. Máselen, jumys, oqý ornyna, medısınalyq mekemelerge, áýejaılar, temirjol vokzaldary jáne t.b. belgilengen pýnktterge jetkiziledi. Invataksı qyzmetine júrip-turýy qıyn birinshi, ekinshi top pen 16 jasqa deıingi múgedektigi bar azamattar júgine alady.

Bekitilgen avtokólikter jyljymaly qurylǵymen jáne kreslo-arbalardy ornatýǵa arnalǵan quraldarmen jabdyqtalǵan.

Men 2-shi top múgedegimin, Invataksıdiń kómegimen kúnde jumysqa baramyn. Memleketten berilip jatqan ınvataksı – qolaıly, qoljetimdi. Tek ótinishti 1 kún buryn qaldyrý kerek. Ótinish qabyldanǵan soń qalaǵan jerińe tegin barýǵa bolady. Osy sekildi kómek túrlerin alyp jatqanymyzǵa alǵysymyz sheksiz.

Aıta keteıik, ınvataksı qyzmetine jyl basynan beri 500-den astam azamattan ótinim qabyldanǵan. Kúnine 200-ge jýyq ótinish túsedi. Ótinish berýshi 1 kún buryn dıspecherge habarlasyp, tapsyrys qaldyra alady.