Shymkent qalasynda «Sapaly bilim berý – qoǵam damýynyń negizgi faktory» atty qalalyq bilim salasy qyzmetkerleriniń tamyz keńesi ótti. Bilim berý salasynda sybaılas jemqorlyqtyń aldyn alýdy kúsheıtý máselelerin talqylaý maqsatynda atalǵan sharaǵa «Shymkent-adaldyq alańy» jobalyq keńsesiniń basshysy Janı Qambar qatysty.

Qoǵamda sybaılas jemqorlyqqa qarsy mádenıetti qalyptastyrýda, onyń ishinde jastardyń boıynda adaldyq, parasattylyq qundylyqtaryn dáripteý boıynsha atqarylǵan jumystarǵa toqtaldy. Onyń aıtýynsha, bilim berý mekemelerinde sybaılas jemqorlyqtyń aldyn alý maqsatynda «Adal urpaq» jáne «Sanaly urpaq» mektep jáne stýdenttik klýbtary jumys jasaýda jáne jyl saıyn músheleriniń sany artýda.

Sonymen qatar, jastar úshin belgili tulǵalardyń ómirine negizdelgen «Adaldyq saǵaty» onlaın-sabaqtary ázirlenip, stýdentter men oqýshylarǵa keńinen kórsetilýde. Osy baǵytta, qalanyń belsendi jastarymen birlese sybaılas jemqorlyqtyń aldyn alý taqyryptarynda breın rıng, pikirsaıys jáne Kahoot-platformasynda ıntellektýaldy oıyndar turaqty túrde uıymdastyrylyp keledi.

Qolǵa alynǵan aldyn alý sharalaryna qaramastan, bilim berý salasynda sybaılas jemqorlyq táýekelderi seıilmeı turǵandyǵyna toqtalǵan Janı Qambar, bul baǵytta ashyqtyqty qalyptastyrý jáne sybaılas jemqorlyqtyń aldyn alý boıynsha birlese jumys jasaýǵa barsha qatysýshylardy shaqyrdy.