Shymkent qalasynda mal sharýashylyǵyn damytý maqsatynda túrli jańa jobalar qolǵa alyndy. Sonyń biri maldardyń teılerıoz, pıroplazmoz, anaplazmoz sekildi parazıtorlyq aýrýlarymen kúresýge baǵyttalyp otyr.

Qalalyq aýylsharýashylyǵy jáne veterınarıa basqarmasynyń málimdeýinshe, usynylyp otyrǵan jobanyń maqsaty - endoglobýlárlyq parazıtter men flagellalardan (pıroplazmozdar, teılerıoz) týyndaǵan aýyl sharýashylyǵy janýarlarynyń qan parazıtarlyq aýrýlarynyń aldyn alý, aýrýdy erte kezeńde anyqtaý jáne tıimdi kúres júrgizý.

Statısıkaǵa sáıkes, elimizdiń ońtústik óńirlerinde maldyń 95 paıyzy teılerıoz jáne pıroplazmoz aýrýymen, 40 paıyzy anaplazmoz aýrýyna shaldyǵady eken. Bul janýarlardyń ólimi men ónimdiliktiń tómendeýine alyp kelip, aıtarlyq ekonomıkalyq zalal keltiredi deıdi mamandar.

Sondyqtan jobaǵa sáıkes sharýaqojalyqtaǵy iri qara maldardyń parazıtorlyq aýrýlaryn anyqtaý úshin saraptama alynyp, «Antıgen» ǵylymı-óndiristik kásipornyna laboratorıalyq jumystar júrgizýge joldandy. Kelesi kezekte usaq maldardan alynady. Osylaısha mal aýrýlarynyń deńgeıin anyqtap, júıeli emdeý sharasyn júrgizýge múmkindik týady.