Halyqtyń ómir súrý sapasyn jaqsartý maqsatynda shaǵyn aýdandardy taza aýyz sýmen jabdyqtaý máselesi qala ákiminiń kún tártibindegi basty mindet bolyp otyr. «Nurly jer» memlekettik baǵdarlamasy aıasynda 2023 jyly halyqty 100% taza aýyz sýmen qamtamasyz etý josparlanýda. Osy mejege qol jetkizý úshin eldi mekenderge tıisti ınfraqurylymdy jetkizý boıynsha naqty jospar bekitilip, jumystar júrgizilýde.

Aıta keteıik, búgingi tańda qala turǵyndaryn ortalyqtandyrylǵan sýmen jabdyqtaý kórsetkishi 95,6%-dy quraıdy. Iaǵnı, qaladaǵy 81 eldi mekenniń beseýi kestemen, jeteýi tasymaldy aýyz sýmen, al 69-y sapaly aýyz sýmen qamtamasyz etilgen.

Osy jyly 3 magıstraldy sýaqqy, tasymaldy sýdy paıdalanatyn 7 eldimeken jáne aýyz sý kestemen beriletin 2 eldimekenniń qurylysy aıaqtalyp, 25,6 myń adam sapaly aýyz sýǵa qol jetkizedi. Nátıjesinde, qamtylý kórsetkishi 98 paıyzǵa ósedi.

Shymkent qalasynyń Soltústik Batys bóliginde ornalasqan eldimekenderdi aýyz sýmen qamtý maqsatynda jalpy uzyndyǵy 30 shaqyrymnan astam bolatyn úsh magıstraldy sýaqqynyń qurylysy júrgizilip jatyr.

Atalǵan magıstraldy sý qubyrynyń qurylysy aıaqtalsa Asar-2, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Táýelsizdikke 20 jyl, Kókbulaq turǵyn alaptary, ıaǵnı onda turatyn 50 myńǵa jýyq turǵyn tolyqqandy sapaly aýyz sýmen qamtamasyz etiledi dep josparlanýda.

Bul baǵyttaǵy jumystar jalǵasyn taýyp aldaǵy jyldary qala turǵyndary tirshilik nárimen tolyq qamtylatyn bolady.