Shymkent qalasynyń jumyspen qamtý jáne áleýmettik qorǵaý basqarmasy men «NGSK KazStroıServıs» AQ Ońtústik Qazaqstan fılıaly ókilderi azamattardy jumyspen qamtý maqsatynda ózara birlesken memorandýmǵa qol qoıdy.

«QazQurylysServıs» - bul jobalaý, satyp alý jáne qurylys jónindegi jetekshi tehnologıalyq kompanıa. Kompanıanyń tájirıbesi munaı-gaz, ınfraqurylym jáne ónerkásiptik sektorlar úshin qurylys sheshimderin usynýǵa kelgende álemdegi eń úzdikterdiń biri bolyp sanalady.

Jalpy, «KazStroıServıs» AQ Ońtústik Qazaqstan fılıalynda 800-den astam qyzmetker jumys isteıdi. Qazirgi ýaqytta qurylys-montaj jumystaryna tıisti mamandar (betonshy, aǵash ustasy, dánekerleýshi, tas qalaýshy jáne t.b.) qajet.

Osyǵan oraı jumyspen qamtý jáne áleýmettik qorǵaý basqarmasynyń ókilderi «KazStroıServıs» AQ Ońtústik Qazaqstan fılıaly basshysymen kezdesip, «Eńbek» memlekettik baǵdarlamasynyń «Jastar praktıkasy», «Áleýmettik jumys oryndary» jáne «Alǵashqy jumys orny» baǵyttarymen tanystyrdy.

Memlekettik baǵdarlamanyń jumyspen qamtý baǵyttaryna qyzyǵýshylyq tanytqan kompanıa ókilderi aldaǵy ýaqytta 200-den asa jumyssyz azamattardy óńirde júrgiziletin qurylys jumystaryna jáne Reseıdegi fılıal tarapynan iske asatyn 18 jastan 60-jasqa deıin 1000-ǵa jýyq jumyssyzdardy vahtalyq ádispen jumysqa tartýǵa kelissóz júrgizdi.