Shymkent qalasynyń Ál-Farabı ǵylymı-ámbebap kitaphanasynda «Táýelsiz Qazaqstan: Jasampazdyqqa toly jyldar. Shymkent qalasynyń basty jetistikteri» taqyrybynda dóńgelek ústel ótti.

Jıynǵa qala ákiminiń birinshi orynbasary Shyńǵys Muqan, «Nur Otan» partıasy Shymkent qalalyq fılıaly tóraǵasynyń orynbasary Muratáli Qalmuratov, jazýshy, jýrnalıs, qoǵam qaıratkeri Marhabat Baıǵut, M.Áýezov atyndaǵy OQÝ prorektory Sáken Májinbekov, qalalyq máslıhattyń depýtaty Ráshkúl Ospanálıeva, sondaı-aq, BAQ basshylary men etnomádenı birlestik ókilderi qatysty.

Basqosýda sóz alǵan Shyńǵys Jumabekuly Qazaqstannyń sońǵy úsh onjyldyqtaǵy memlekettik qurylystaǵy tarıhı serpilisiniń, ártaraptandyrylǵan naryqtyq ekonomıkany qurýda úshinshi megapolıstiń alar orny erekshe ekenin jetkizdi. Qala halqynyń 52 paıyzy egemendik alǵan 30 jyldyń ishinde dúnıege kelgenin jáne shahar turǵyndarynyń ortasha jasy 28-di quraǵanyn aıtty. Sondaı-aq, aıtýly jyldy shaharda keń kólemde merekeleý barysyn atap ótti.

Egemendik alǵaly elimizde kóptegen aýqymdy jobalar atqarylyp, sonyń jemisin kórip kelemiz. Osy jetistikterdiń ishinde Shymkent qalasy men jurtshylyǵynyń alatyn úlesi edáýir. Táýelsizdiktiń 30 jyldyǵyn keń kólemde qamtý maqsatynda basqarmalar men aýdan ákimdikterinen usynystar jınaqtalyp, ár aıǵa arnaıy ataýlar berilgen. Bul rette bıyl birinshi jartyjyldyqta qala boıynsha Táýelsizdigimizdi ulyqtaǵan 175 is-shara ótkizildi. Onyń ishinde respýblıkalyq 74 aýqymdy is-sharaǵa 45 myńnan astam adam qamtyldy. Bul jumystar áli de óz jalǵasyn tabatyny sózsiz.

Dóńgelek ústel barysynda qatysýshylar Táýelsizdiktiń 30 jyldyǵy aıasynda Shymqalada atqarylǵan jumystar men jetken jetistikterdi talqylady. Sonymen qatar, «Týǵan qala» atty beınerolıkti tamashalady.