Shymkent qalasy jolaýshylar kóligi jáne avtomobıl joldary basqarmasynyń basshysy Erjan Joldasov búgin @akimat_shymkent paraqshasynan tikeleı efırge shyǵyp, turǵyndar saýalyna jaýap berdi.

Áleýmettik jelilerde basqarmaǵa qatysty qoıylatyn eń mańyzdy suraqtardyń biri - qoǵamdyq kólikterdiń jańarǵan baǵyttary, ıaǵnı kóp talqylaý júrgenderi - №17,21,34,171,171A. Efır kezinde basqarma basshysy osy taqyrypqa keńinen toqtaldy.

№17 avtobýs baǵyty - «Turan sh.a – Avtonur bazary» aralyǵynda qyzmet kórsetedi. «Shymkent Bus»JSHS tıesili marshrýt qala boıynsha jumys kúnderi 7 avtobýs bolyp qyzmet kórsetetin. Al aralyq jıilik ıntervaly jumys kúnderi 19-25mın quraıtyn. Avtobýs Turan sh/a turǵyndaryn Baıdibek bı dańǵyly arqyly «Gıperhaýs» saýda úıine, Baıtursynov kóshesi arqyly qala ortalyǵyna, Respýblıka dańǵyly arqyly Avtonur bazaryna tasymaldaıdy.

Atalǵan marshrýtqa kelip túsetin shaǵymdardyń kópshiligi Turan sh/a turǵyndarynyń taǵy bir marshrýt suraýy, sebebi avtobýs ishinde adam tyǵyzdyǵy óte joǵary eken. Basqarma tarapynan tekseris nátıjesi boıynsha adam tyǵyzdyǵy jumysqa baratyn jáne qaıtatyn ýaqytta joǵary boldy. Nátıjesinde, aldaǵy ýaqytta Turan sh/a qurylys jumystary tolyq aıaqtalǵan soń basqarma tarapynan taǵy bir №75 marshrýt qarastyrý kózdelýde jáne qazirgi ýaqytta 17 marshrýttaǵy avtobýs sany 12 bolyp, aralyq jıiligi 5-7 mınýtty qurady. Bul baǵyt boıynsha Turan sh/a turǵyndaryn qala ortalyǵyna jetkizý josparlanýda.

№21 marshrýt «Qursaı sh/a – Aıqap sh/a» boıynsha qyzmet kórsetedi. «Shymkent Bus» JSHS tıesili marshrýt qala boıynsha jumys kúnderi 14, al demalys 10 avtobýs bolyp qyzmet kórsetetin. Al aralyq jıiligi jumys kúnderi - 12mın, demalys kúnderi – 15mın quraıtyn. Halyqtyń kópshiligi №21 marshrýt boıynsha shaǵymynda adam aǵyny joǵary bolýyn aıtady. Bul másele boıynsha marshrýtqa taǵy da 2 avtobýs qosylyp, aralyq ınterval 8-10mın qurap otyr.

№34 marshrýt «Qazǵurt sh/a – K.Setkına k-si» boıynsha qyzmet kórsetedi. «Bek-Servıs» JSHS tıesili marshrýt qala boıynsha jumys kúnderi 7, al demalys 6 avtobýs bolyp qyzmet kórsetetin. Al aralyq jıilik ıntervaly jumys kúnderi - 12mın, demalys kúnderi – 15mın quraıtyn. Endi halyq shaǵymdarynyń kópshiligi bul marshrýttyń eskiligine, kondısıonerdiń joqtyǵyna jáne adam jıiliginiń joǵary bolýyna shaǵymdanady. Qazirgi ýaqytta bul másele boıynsha marshrýtqa taǵyda 5 avtobýs qosylyp, aralyq ınterval 8-10mın qurap otyr. Bul marshrýt boıynsha FAZ,VECTOR, JAC avtobýstary qyzmet kórsetedi.

№171 marshrýt «Bozaryq saıajaı – Voenkomat» boıynsha qyzmet kórsetedi. «Shymkent Bus» JSHS tıesili marshrýt qala boıynsha jumys kúnderi 5, al demalys 4 avtobýs bolyp qyzmet kórsetetin. Al aralyq jıilik ıntervaly jumys kúnderi - 26mın, demalys kúnderi – 32mın quraıtyn. Qazirgi ýaqytta bul marshrýtqa taǵy da 2 avtobýs qosylyp, aralyq ınterval 8-10mın qurap otyr.

№171A marshrýt «Bozaryq sh/a – Voenkomat» boıynsha qyzmet kórsetedi. «Shymkent Bus» JSHS tıesili marshrýt qala boıynsha jumys kúnderi 14, al demalys 10 avtobýs bolyp qyzmet kórsetedi. Al aralyq jıilik ıntervaly jumys kúnderi - 12mın, demalys kúnderi – 15mın quraıdy.kúnderi 5, al demalys 4 avtobýs bolyp qyzmet kórsetedi. Al aralyq jıilik ıntervaly jumys kúnderi - 26mın, demalys kúnderi – 32mın quraıdy.
Qazirgi ýaqytta bul marshrýtqa da 2 avtobýs qosylyp, aralyq ınterval 8-10mın qurap otyrǵanyn aıtty.