QR Premer-Mınıstri A. Mamınniń tóraǵalyǵymen ótken Qazaqstan Úkimetiniń otyrysynda Memleket basshysynyń Joldaýyn iske asyrý jónindegi Jalpyulttyq is-sharalar josparynyń jobasy qaralyp, ınflásıaǵa qarsy áreket etý jónindegi sharalar kesheni qabyldandy.

Selektorlyq rejımde ótken jıynǵa Shymkent qalasynyń ákimi Murat Áıtenov, orynbasarlary men barlyq basqarma basshylary qatysty.

Elimizdegi baǵa ósimi boıynsha baıandaǵan QR Saýda jáne ıntegrasıa vıse-mınıstri Erjan Qazanbaev Shymkentte sońǵy aılarda turǵyn úı baǵasy 4 paıyzǵa tómendegenin aıtty. Máselen, «Otaý grýpp» JSHS-nyń úıleriniń sharshy metri 300 myń teńgeden 270 myńǵa túsken.

Aıta ótsek, bıyl Shymkent qalasynda barlyq qarjy kózderinen 1 188,5 myń sharshy metr quraıtyn 275 kópqabatty turǵyn úıdiń (14 551 páter) qurylysy júrgizilýde. Onyń ishinde:

- qurylys basqarmasymen 374,1 myń sh.m. 79 úı (4 832 páter);
- SHYMKENT»ÁKK» AQ-men 93,4 myń sh.m. 18 úı (1 080 páter);
- jeke salýshylarmen 721,0 myń sh.m. 178 úı (8 639 páter).
Josparǵa sáıkes, bul jyly 570 myń sharshy metr kópqabatty úı paıdalanýǵa tapsyrylady dep kútilýde.

Sonymen qatar, Úkimet otyrysynda elimizde baǵanyń ósýin tejeý maqsatynda 2021 - 2024 jyldarǵa arnalǵan ınflásıaǵa qarsy áreket etý sharalary kesheniniń jobasy qaralyp, maquldandy.