«Donor bol! Ózgege ómir syıla!». Shymkentte El Táýelsizdiginiń 30 jyldyǵyna oraı osyndaı ataýmen arnaıy aksıa ótti. Oǵan júzge jýyq qala jastary qatysyp, ıgi iske úlek qosty. Sharany «Jastar resýrstyq ortalyǵy» men Shymkent qalalyq Qan ortalyǵy birlesip uıymdastyrǵan.

Dárigerler donor bolyp kelgen jastarǵa bir tamshy qannyń ózi ózgeniń ómirin saqtap qalýda mańyzdy ekenin túsindirdi. Qan tapsyrý densaýlyqqa eshqandaı da keri áseri joq ekenin aıtty. Jalpy jyl ótken saıyn elimizde donorlar sany da artyp keledi eken. Al, búgingi sharanyń basty maqsaty ózge de jastar men qala turǵyndaryn ıgilikti is jasaýǵa shaqyrý ,deıdi uıymdastyrýshylar.

Bul is-shara birinshi emes, úshinshi ret uıymdastyrylyp otyr. Bir donordyń ózi úsh adamnyń ómirin saqtap qalýǵa múmkindigi bar. Sol sebeppen osy jańa oqý jylyn osyndaı qaıyrymdy ispen bastadyq. Bul joly is-sharaǵa stýdentter ǵana emes, sonymen qatar mádenıet, sport salalarynyǵ qyzmetkerleri men tótenshelikter de qatysty.

Atalmysh aksıaǵa mádenıet , sport, ustazdar qaýymy men rýhanı jańǵyrý ortalyǵynyń mamandary,joǵary jáne orta arnaýly oqý oryndarynyń stýdent jastary, volonterler men belsendi jastar jalpy sany 100-ge jýyq adam qatysty. Olardyń arasynda alǵash kelgenderi de bar. Dárigerler qan tapsyrýǵa neıettinip kelgen jastardyń densaýlyǵyn tekserip sosyn baryp uryqsat berdi. Qaladaǵy qan ortalyǵynda zamanaý qurylǵylar kelýshiniń donor bolýǵa jaramdy ekenin áp sátte tekserip beredi. Jáne ol adam densaýlyǵyna qaýipsiz, deıdi aq halattylar.

Aıta keteıik, qan tapsyrý sharasy ár úsh aı saıyn dástúrli túrde ótip turatyn boldy. Jastar ózgelerdi donor bolyp , ózge jandarǵa ómir syılaýǵa shaqyrdy.