Shymkenttegi qalalyq stomatologıalyq emhana - tegin medısınalyq kómektiń kepildendirilgen kólemine sáıkes 0-den 18 jasqa deıingi balalar men júkti áıelderge arnalǵan arnaıy stomatologıalyq kómek kórsetetin qaladaǵy jalǵyz memlekettik mekeme.

Emhanada balalarǵa arnalǵan arnaıy stomatologıalyq kómektiń barlyq túrleri kórsetiledi. Atap aıtsaq: nanotehnologıalyq ádister, 4-6 býynnyń biteme materıaldary men zamanaýı endodontıalyq ádister qoldanylady. Sonymen qatar, tisti julý kezinde jańa anestetıkterdi paıdalaný arqyly aýyrtpaı emdeýge múmkindik bar.

Budan bólek, hırýrgıalyq otalardyń barlyq túrleri júrgiziledi. Zamanaýı rentgendik zertteý kezinde panoramalyq rentgenografıa men fızıoterapevtik emdeý ádisteri qoldanylady. Áleýmettik jaǵdaıy tómen otbasy múshelerine ortodontentıalyq plasıka tegin jasalady.

Medısınalyq mekeme bir aýysymda 250 adamdy qabyldaı alady. Emhananyń terapıalyq stomatologıa, hırýrgıalyq stomatologıa, aldyn –alý, aqyly bólimi bar. Sondaı-aq, týa bitken jaq-bet aımaǵy aýytqýlary aýrýlary boıynsha saýyqtyrý Ortalyǵy jumys jasaıdy.

Elektrondy qujat aınalymy tolyǵymen sıfrlandyrylǵan. Osy jyldyń segiz aıynda 40 myńnan asa kelýshige 84 myń stomatologıalyq aýrý boıynsha kómek kórsetilgen. Emhana azamattarǵa táýlik boıy qyzmet kórsetedi.