Jastar praktıkasy – jastarǵa eńbek jolyn ashady

/image/2021/09/15/crop-110_32_766x1021_103110657600.jpg

«Eńbek» memlekettik baǵdarlamasynyń «Jastar praktıkasy» baǵyty boıynsha jumysqa ornalasqandardyń biri - Valerıa Polýkchı.

Shymkenttik jas bıylǵy jyly Qaztutynýodaǵy Qaraǵandy ekonomıkalyq ýnıversıtetin «Kásipkerlik ekonomıka quqyǵy salasyndaǵy quqyqtyq retteý» mamandyǵy boıynsha támamdaǵan. Oqý bitirip, qolyna dıplom alǵan jas maman shilde aıynda Shymkent qalasynyń polısıa departamentine jastar praktıkasymen 6 aı merzimge joldanyp, qazirgi tańda tájirıbe jınaqtaýda.

Jalpy, «Jastar praktıkasy» baǵdarlamasy joǵary oqý oryndary men kolej túlekteriniń meńgergen mamandyǵy boıynsha bastapqy jumys tájirıbesin alý maqsatynda uıymdastyrylǵan. Baǵdarlamaǵa 29 jastan aspaǵan «jumyssyz» mártebesi bar jáne sońǵy úsh jyl ishinde (2019,2020,2021j) joǵarǵy oqý oryndary men kolejderdiń tehnıkalyq jáne kásibı bilim túlekteri bir ret qana qatysa alady. Jalaqy kólemi - 25 AEK.

Jyl sońyna deıin 2500 shymkenttik jasty ýaqytsha jumyspen qamtý josparlanǵan bolsa, osy ýaqytqa deıin 2350 jumyssyz qaladaǵy túrli mekemeler men kásiporyndarǵa joldanǵan. Jospar 94 paıyzǵa oryndalyp otyr. Onyń ishinde 40-tan astamy joldanǵan mekemelerde turaqty jumysqa ornalasqan.

Qatysty tegter :

Pikir qaldyrý

Qatysty Maqalalar