Shymkent qalasynyń týrızm salasynda bilim alyp jatqan stýdentter endi Túrkıada tájirıbe almasa alady. Shymkent qalasynyń Týrızm jáne syrtqy baılanystar basqarmasy men «Visit Shymkent» týrısik aqparattyq ortalyǵynyń qyzmetkerleri issapar aıasynda Antalıadaǵy Týrızm akademıasynyń rektory Zafer Bıkkenoglýmen kezdesip, kelissózder júrgizdi. Antalıadaǵy Týrızm akademıasy halyqaralyq deńgeıdegi qonaqjaılylyq pen týrızm ındýstrıasy úshin joǵary bilikti mamandardy daıyndaıtyn biregeı oqý oryndarynyń biri bolyp sanalady.

Kezdesý barysynda týrısik qarym-qatynasty jaqsartyp, jastardyń ózara tájirıbe almasýy, sondaı-aq, biliktilikterin arttyra otyryp, oqýǵa qoldaý kórsetý jóninde kelisim ornady. Nátıjesinde qaladaǵy joǵary oqý oryndarynyń arasyndaǵy kelisim negizinde eki jaqty oqý josparyn júzege asyra otyryp, halyqaralyq deńgeıdegi 2 dıplom alýǵa múmkindik berilmek. Ol úshin Túrkıa tarapy Shymkent qalasynyń týrızm salasy boıynsha bilim beretin joǵary oqý oryndarymen kelisimge kelýge ázir. Odan ózge, stýdentter Antalıa qalasyndaǵy ornalastyrý oryndarynda 5 aılyq óndiristik is-tájirıbeden ótip, halyqaralyq deńgeıdegi sertıfıkat alady.

Aldaǵy ýaqytta akademıa basshylyǵy basqarma, oqý oryndary jáne týrısik bıznes ókilderimen memorandýmǵa turǵan jaǵdaıda túrli is-sharalarǵa qoldaý kórsetip, birlese jumys júrgizýge daıyn.