Shymkent qalasynda júrgizilip jatqan ınjenerlik ınfraqurylym jumystarynyń barysymen tanystyrý maqsatynda BAQ ókilderine pres-týr uıymdastyryldy. Eń aldymen jýrnalıserdi qalalyq energetıka jáne ınfraqurylymdy damytý basqarmasynyń basshysy B.Bolatbekov qurylysy júrgizilip jatqan avtomattandyrylǵan gaz taratý stansasynyń qurylys barysymen tanystyrdy.

Basqarma basshysy Shymkent qalasyn tabıǵı gazben qamtamasyz etý maqsatynda, 250 000 m3/saǵ quraıtyn avtomattandyrylǵan gaz taratý stansasynyń qurylys jumystary 98 paıyzǵa ornyldalǵanyn atap ótti. Al, nysannyń tehnıkalyq qural-jabdyqtary 100 paıyz ornatylǵan.

Búgingi tańda, AGRS-3 nysannyń gaz qubyryna gıdravlıkalyq syǵymdaý jumystary júrizilýde. AGRS-3 nysannyń qurylys jumystary 2021 jyldyń qazan aıynyń sońyna deın iske qosý josparǵa qoıylǵan.

Gaz taratý stansıasy iske qosylǵan kezde, turǵyn úı, áleýmettik, kásipkerlik jáne óndiristik nysandar sapaly jáne úzdiksiz tabıǵı gazben qamtamasyz etiledi. Búginde 92,2% tabıǵı gazben qamtylǵan qala turǵyndarynyń sany 100 paıyzǵa jetetin bolady.

Shymkent qalasynyń tabıǵı gaz kózderiniń qýattylyǵy AGRS-1, AGRS-4 «Shymkent» 180 000 m3/saǵ quraıdy. Al búgingi tańdaǵy qalanyń qajettiligi -250 000 m3/saǵ qurap otyr. Osy qajettilikti qamtamasyz etý maqsatynda AGRS-3 nysanyn salýǵa sheshim qabyldanǵan bolatyn.

Strategıalyq mańyzy bar nysan qurylysyn merdiger mekeme «StroyGazCompany» JSHS tarapynan júrgizilýde.