Abaı aýdany aýmaǵynda ornalasqan Yntymaq-2 shaǵyn aýdanyndaǵy sý qubyryn tartý jumystary tolyǵymen aıaqtaldy. Búginde qubyrlardy jýyp-shaıý, dezınfeksıalaý jumystary atqarylyp, aýyz sý berýge daıyndyq jumystary atqarylýda. Atalǵan jumystardyń barysyn búgin qalalyq energetıka jáne ınfraqurylymdy damytý basqarmasy basshysynyń orynbasary A.Ashaevpen birge jýrnalıser arnaıy baryp kórdi.

Shaǵynaýdan turǵyndaryn sapaly aýyz sýmen qamtamasyz etý maqsatynda 2020 jyly merdiger mekeme «Kompanıa Ahmet» JSHS-gi tarapynan qurylys jumystary bastalǵan bolatyn.

Sonymen qatar, BAQ ókilderine sapaly elektr qýatymen qamtý jumysy tanystyryldy. Osy jyldyń shilde aıynda bastalǵan qurylys jumysynyń búgingi kúnge deıin 3 myńǵa jýyq elektr baǵanalary ornatylyp, qurylys jumystarynyń 80 paıyzy aıaqtaldy.

Qurylys jumystary merdiger mekeme «A. Mereı ı K» tarapynan qarqyndy júrýde. Iaǵnı, eldimekendi sapaly elektr qýatymen qamtý úshin tórt brıgadada 20-dan astam komýnaldyq qyzmetker jumyldyrylǵan.

Qurylys jumysyn 2021 jyldyń qarasha aıynda aıaqtaý josparlanyp otyr. Sodan keıin, «OńtústikJaryqTranzıt» JSHS-men ár úıge jeke esep shot ashyp, elektr qýatyna qosý jumystary júrgiziletin bolady. Jobaǵa sáıkes, shaǵyn aýdanda ornalasqan 2318 otbasy elektr qýatymen qamtylatyn bolady.