Memleket basshysynyń halyqpen keri baılanys ornatýdy kúsheıtý týraly tapsyrmasyna sáıkes qala ákiminiń bastamasymen osydan 1 jyl buryn Shymkentte «Aıkómek-109» ortalyǵy ashylǵan bolatyn. Búginde qala turǵyndaryn jergilikti bılik ókilderimen baılanys ornatýda tıimdi jumys nátıjesin kórsetip otyr.

@ikomek109.shymkent - qala turǵyndarynyń qoǵamdyq kólikterde, adamdar kóp shoǵyrlanǵan jáne taǵy basqa jerlerde zattardy taýyp alǵan nemese joǵaltyp alǵan adamdardy deldalsyz baılanystyratyn ortalyq. Sebebi sońǵy ýaqytta munda turǵyndar tarapynan joǵalǵan zatyn izdep habarlasýshylar kóbeıgen.

Osy jyly ortalyq qyzmetkerleri jaýapty mekemelermen birlese otyryp megapolıs turǵyndarynyń 592 joǵalǵan zatynn taýyp bergen. Atap aıtqanda 217 sómke, 144 ámıan, 129 qujattary bar faıldar, 15 saǵat, 6 uıaly baılanys quraly, 4 noýtbýk, 3 dombyra, 2 aıaq-kıim jáne 72 tólem kartalar tabyldy.

Tabylǵan Tólem kartalardy, qujattardy ortalyqtyń Instagram áleýmettik jelisindegi paraqshasy @ikomek109.shymkent-te Stories retinde salynady. Azamattar joǵaltqan qujattaryn sol jerden kóre alady.