1 synyp oqýshylaryna arnalǵan "Meniń altyn jazý úlgim" jumys dápterinde balalarǵa jazýǵa usynylǵan sózder tizbesinde "ól" degen sóz berilgen. Bul áleýmettik jelide qyzý talqyǵa túsip, jeli qoldanýshylary oqý quraly satylymnan alynýyn talap etýde, dep habarlady 31 arna telearnasy.
Bilim jáne ǵylym mınıstrligi ókiliniń aıtýynsha, bul dápter mınıstrlik tarapynan bekitilgen oqý quraldarynyń tiziminde joq. Al mundaı dápterdi qosymsha oqý quraly retinde paıdalaný ne paıdalanbaýdy mektep basshylyǵynyń ózi sheshedi.
– Atalǵan jazý dápteri sekildi qosymsha oqý basylymdaryn, oqýlyqtardy, dápterlerdi jáne basqa qosymsha materıaldardy tańdaý quqyǵy bilim berý uıymdaryna berilgen, – dedi bilim jáne ǵylym mınıstrliginiń baspasóz hatshysy Móldir Ábdýálıeva.
Aıta keteıik, mundaı basylymdar ashyq satylymda nemese ınternette qoljetimdi. Qosymsha oqýlyqtar ertegiler jınaqtary, dápterler sıaqty olar arnaıy bekitilmeıdi.
