Soltústik Qazaqstan oblysy densaýlyq saqtaý basqarmasynyń basshysy Qabdyrahman Saqtaǵanov 425 myń teńge para aldy degen kúdikke ilindi, dep habarlady Astana telearnasy.
Keıbir aqparat kózderiniń málimetinshe, sheneýnik medısınalyq kompanıa ókiline qoldaý men qamqorlyq kórsetý úshin bir myń AQSH dollaryn alǵan. Bul áreketi úshin oǵan qandaı jaza taǵaıyndalatyny ázirge belgisiz.
Sybaılas jemqorlyqqa qarsy agenttigi resmı málimdeme jasaǵan joq. Aıta ketý kerek, kúdikti densaýlyq saqtaý basqarmasynyń basshysy qyzmetine byltyr ǵana taǵaıyndalǵan. Al oǵan deıin birqatar aýrýhananyń bas dárigeri qyzmetin atqaryp kelgen.
Osy aqparatqa saı Chınovnık telegram kanaly mynandaı habarlamany jarıalady.
"Petropavlda 1962 jyly týǵan "Soltústik Qazaqstan oblysy ákimdiginiń densaýlyq saqtaý basqarmasy" KMM basshysy Saqtaǵanov Qabdrahman Erkenulyna qatysty QR QK 366-baby 1-bóligi boıynsha sotqa deıingi tergeý bastaldy, ol "CHNÝ Densaýlyq" medısınalyq mekemesiniń dırektory Qarabaeva Aınagúl Serekbaıqyzynan jalpy qamqorlyǵy úshin $1000 AQSH kóleminde para aldy. Saqtaǵanov Petropavl qalasynyń ÝUI-ne qamaldy" delingen habarlamada.
