Shymkent qalasy máslıhatynyń depýtattary, «Nur Otan» fraksıasynyń músheleri Baqyt Qydyrbaev, Murat Joldyhojaev, Lázız Súleımenov jáneTalǵat Baltabaev Eńbekshi aýdany ákiminiń aǵymdaǵy jyldaǵy atqarylyp jatqan jumystaryna baılanysty 11 nysanǵa monıtorıń jumystaryn júrgizdi.

Arnaıy monıtorıń barysynda depýtattar RK-3 jylý qazandyǵynyń qysqy maýsymǵa daıyndyǵyn, balalar oıyn alańshasynyń qurylys barysyn, sondaı-aq, №46 jáne №38 mektepteriniń qosymsha qurylys jumystarymen tanysty. Monıtorıń tobynyń ókilderi birqatar máseleler boıynsha túsindirý sharalaryn jasady.

Sonymen qatar, Ulaǵat sh/a mektep jeri jáne káriz júıesiniń sapasyn teksergen depýtattar jaqynda qoldanysqa beriletin skverdiń qurylys barysymen de jiti tanysyp shyqty.

Aýdan aýmaǵyndaǵy ırrıgasıa qurylysyn, jalyn turǵyn alabyndaǵy Tekesý kópiriniń qurylysyn, Shańyraq shaǵyn aýdanyndaǵy GCHP aıasynda Dárigerlik ambýlatorıa men Toǵys turǵyn alabyndaǵy №120 mektebine qosymsha qurylys nysandaryn aralady.

Óz kezeginde depýtattar qurylys salasynyń únemi partıa baqylaýynda bolatynyn eskertip, sala mamandaryna atalǵan nysandardyń jumysyn nazarǵa alatynyn jetkizdi.

«Ózgerister joly: Ár azamatqa laıyqty ómir!» atty «Nur Otan» partıasy Shymkent qalalyq fılıalynyń 2021 – 2025 jyldarǵa arnalǵan saılaýaldy baǵdarlamasynyń nátıjeli oryndalýy – basty mindet.