Kezdesýdi Shymkent qalalyq sotynyń Azamattyq ister jónindegi sot alqasynyń tóraǵasy M.Parmenov ashty.

İs-sharaǵa Respýblıkalyq Notarıattyq palatasynyń zańgeri G.Ryspekova, Shymkent qalasynyń Notarıattyq palatasynyń tóraǵasy G.Djýnısbekova jáne Shymkent qalasynyń notarıýsteri G.Janýzak, A.Alımova, J.Bıhanova, A.Jýmanazarova, A.Kýsebaeva men B.Pernebaev qatysty.

Kezdesý notarıattyq is-áreketterdi oryndaý kezindegi atqarýshylyq jazbany jasaý jónindegi notarıattyq praktıkany zerdeleý, quqyq qoldaný tájirıbesiniń problemalyq máselelerin anyqtaý jáne onyń tártibin retteıtin zańnamany qoldanýdyń notarıattyq tájirıbeniń birkelkiligin qarastyrý maqsatynda uıymdastyryldy.

Semınarda sýdıalar tarapynan notarıýstarmen kýálandyratyn atqarýshylyq jazbalardy jasaýdyń jalpy sharttary men atqarýshy jazbalarynyń kúshin joıý jáne daýlaý tártibin talqylap, birneshe usynystar engizdi.