Shymkent qalasynyń ákimi Murat Áıtenov aýylsharýashylyǵy baǵytynda bıyl iske qosylǵan nysandardyń jumysymen tanysty.

Qarataý aýdany, Almaty tas jolynda ornalasqan «AgroPark» SHQ jylyjaı kesheni bıyl júzege asqan iri jobalardyń biri.

5,2 gektar aýmaqta ornalasqan jylyjaı kesheni jylyna 1500 tonna qyzanaq pen qıar óndiredi. Tartylǵan ınvestısıa kólemi - 1 300 mln teńge. Kásipkerge 331,5 mln teńge memlekettik qoldaý kórsetilgen.

Agrarlyq ónimder jylyna eki márte jınalady Keshende qajetti klımattyq ahýal men topyraq qunarlyǵyn saqtaý prosesteri avtomattandyrylǵan.
Sharýa qojalyǵy 45 adamdy turaqty jumyspen qamtyp otyr. Personal agrarlyq tehnologıany saqtaý máselesi boıynsha daıyndyqtan ótken.

Qala ákimi Shymkentte tamaq ónerkásibin damytýǵa barlyq múmkindikter bar ekenin aıtty. İshki naryqty otandyq azyq-túlik ónimderimen qamtý mańyzdy mindet ekenini kóńil bólgen Murat Dúısenbekuly, sala jetekshilerine bul baǵyttaǵy jumystardy júıeli túrde jalǵastyrýdy tapsyrdy.