Shymkent qalasynda Qonaev dańǵyly jalǵasy qurylysynyń 3-shi kezeńi boıynsha ortasha jóndeý jumystary atqarylýda. Qala ákimi qurylysy 2020-2021 jyldar aralyǵyna josparlanǵan nysandaǵy jumys barysyn aralap kórdi.

Jol qurylysy «KazahDorStroı» JSHS-ne júktelgen. 3-shi kezeńniń jalpy uzyndyǵy - 6 jolaqty 0,561 shaqyrym, joldyń eni - 42 metr.

Búgingi tańda eki baǵytty aınalma temir jolyn, káriz qubyryn salý, kabel jelileri, temir jol elektr baǵanalaryn jáne jer asty jaıaý júrginshiler ótkelderin ornatý, temir jol ótkeliniń svaı quıý, jer jumystary oryndaldy.

Qazirgi ýaqytta tireý qabyrǵalaryn quıý, ınjenerlik jelilerdiń ornyn aýystyrý memleket muqtajyna alynǵan úılerdi súrý jumystary júrgizilýde.
Oń jaq tireý qabyrǵalarynyń jumysyn jalǵastyrý úshin temir joldan Bóget kóshesi deıingi nysandardy memleket muqtajyna qaıtarý qajettigi týyndaýda.