Búgin jetinshi shaqyrylymdaǵy Shymkent qalasy máslıhatynyń kezekten tys onynshy sesıasy ótti. Oǵan qala ákimi M.Áıtenov, máslıhat hatshysy B.Narymbetov jáne halyq qalaýlylary, aýdan ákimderi men basqarma basshylary qatysty.  Búgin jetinshi shaqyrylymdaǵy Shymkent qalasy máslıhatynyń kezekten tys onynshy sesıasy ótti. Oǵan qala ákimi M.Áıtenov, máslıhat hatshysy B.Narymbetov jáne halyq qalaýlylary, aýdan ákimderi men basqarma basshylary qatysty.  

Kún tártibine sáıkes 2 másele qaraldy: «2021-2023 jyldarǵa arnalǵan Shymkent qalasynyń búdjeti týraly» máslıhat sheshimine ózgerister engizý, máslıhat hatshysynyń atqarǵan jumystarynyń esebi. 

Sesıada sóz alǵan qala ákimi búdjette únemdelgen qarjynyń ınfraqurylymdyq máselelerge jumsalatynyn jetkizdi. Búgin mańyzdy sheshimder qabyldandy, búdjet naqtylandy. Qala búdjeti 491,6 mlrd. teńgege jetti. Onyń 25,3%-y – damý búdjeti, 74,7%-y – aǵymdaǵy shyǵyndar. Bıylǵy jylǵa arnalǵan búdjetten únemdelgen qarjy ınfraqurylymdyq damý, ózge de mańyzdy jobalardy iske asyrýǵa qaıta baǵyttalatyn bolady. Bul ózgerister búdjetti sapaly jáne tolyq ıgerýge múmkindik beredi, - dedi shahar basshysy. 

Máslıhat depýtattarymen qalanyń áleýmettik-ekonomıkalyq damýyna serpin beretin 80-nen astam sheshimder qabyldanǵanyn baıandaǵan qala ákimi depýtattardyń jumysyna alǵysyn aıtty.  Joldaýda belgilengen 25 naqty mindetti, qalanyń turaqty damýy úshin naqtylanǵan 10 Ulttyq jobany júzege asyrýda depýtattar korpýsymen nátıjeli jumystar júrgizemiz degen senim bildirdi.