Shymkent qalasynyń qalalyq orta sapasy jáne baqylaý basqarmasynyń basshysy Ǵ.Ótenbaev 2021 jyldyń 9 aıynda atqarylǵan jumystar boıynsha esep berdi.

Basqarma tarapynan jyl basynan beri 48 qurylys nysanyna qatysty tekserý taǵaıyndalyp, 139 ákimshilik quqyq buzýshylyq týraly hattamalar toltyrylǵan.

Basqarma basshysynyń aıtýynsha, 20 tehnıkalyq qadaǵalaýshy, 2 avtorlyq qadaǵalaýshy, 2 jobalaý sarapshy jáne 1 tehnıkalyq qadaǵalaýshy mekeme jaýapkershilikke tartyldy. Tekserý barysynda anyqtalǵan kemshilikter boıynsha 25 sýbektige kemshilikterdi joıý týraly nusqamalar berildi.

Basqarma tarapynan qaladaǵy negizgi úsh basqarmamen (qurylys, energetıka jáne ınfraqurylymdy damytý, jolaýshylar kóligi jáne avtomoıl joldary) birlese nysan aralaý boıynsha jumystar júrgizilip, tapsyrys berýshilerge kemshilikterdi joıý boıynsha usynystar joldanýda. Qala aýmaǵynda ornalasqan zańsyz qurylystardy buzý týraly joldanǵan talap aryzdar boıynsha sot sheshimine sáıkes, 8 zańsyz qurylys nysan buzyldy.

Sonymen qatar, búgingi tańda aýyl sharýashylyǵy maqsatyndaǵy ıgerilmeı jatqan jer telimi ıelerine túsindirme jumystaryn júrgizý nátıjesinde, memleket menshigine óz erkimen jalpy alańy 303,3385 ga 6 jer ýchaskesi qaıtarylǵan.

Qala ákiminiń hattamalyq tapsyrmasyna sáıkes, 4 aýdan tarapynan alańy 3569,79 ga 305 jer ýchaskesine shara qoldaný týraly hattar qaralýda.

Qala ákimi zańsyz qurylystarǵa jol berilmeýi kerektigin aıtty. Qurylys salasyndaǵy zańsyzdyq sapaǵa tikeleı yqpal etetinin eskertip, zań normatıvteriniń saqtalýyn qatań baqylaýdy tapsyrdy.