Shymkentte qoǵamdyq kólik júrgizýshileri biliktiligin arttyrý boıynsha oqý kýrsynan ótti. Shymkent qalasynda bıyl qoǵamdyq kólik júrgizýshileriniń biliktiligin arttyrý boıynsha oqý kýrsy bastalǵan bolatyn.

Jyl basynan beri «Jolaýshy tasymalynyń erejeleri jáne qaýipsizdigi», «Medısınalyq kómek kelgenge deıingi alǵashqy kómek», «Psıhologıa jáne konflıktologıa negizderi», «Kásibı etıka jáne qarym-qatynas mádenıeti» taqyrybynda dárister júrgizilýde.

Tasymaldaýshy kompanıalardyń 1100 júrgizýshisi oqý kýrsynan ótýge kelisimshart jasasqan. Búginde 80 júrgizýshi dáristi aıaqtap, sertıfıkatqa ıe boldy. Baǵdarlamaǵa sáıkes, dáris 3 kún júrgiziledi. Sońynda qatysýshylar test tapsyryp, 1 jylǵa jaramdy sertıfıkatqa ıe bolady.

Sonymen qosa, Shymkent qalasynyń qoǵamdyq kólik júrgizýshileriniń birinǵaı «avtopark-shymkent.kz» bazasyna enedi.