Shymkent qalasy ákimi janyndaǵy áıelder isteri jáne otbasylyq-demografıalyq saıasat jónindegi komısıanyń tóraǵasy, ákimniń birinshi orynbasary Shyńǵys Muqannyń basshylyǵymen quzyrly memlekettik organdar basshylary jáne jergilikti úkimettik emes uıymdar jetekshileriniń qatysýymen komısıa otyrysy ótkizildi.

Óńirlik komısıa músheleri ulttyq komısıanyń otyrysyna beıne-konferens baılanysy arqyly qatysty. Kún tártibine sáıkes «Otbasyndaǵy zorlyq-zombylyqsyz Qazaqstan» jobasynyń iske asyrylýy týraly máseleler talqylandy.

Sondaı-aq, komısıa otyrysynda «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn» iske asyrý boıynsha birqatar máseleler qarastyryldy.

Onyń ishinde, bekitilgen josparǵa sáıkes «Balasyz otbasylardy memlekettik qoldaý týraly» Densaýlyq saqtaý basqarmasynyń, «Jalpy bilim beretin pánderdiń mazmunyndaǵy reprodýktıvti tárbıe men bilim berý máselesi týraly» Bilim basqarmasynyń, «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń Eńbekshi aýdanynda oryndalý barysy týraly» Eńbekshi aýdany ákiminiń orynbasary, aýdandyq komısıa tóraǵasynyń jáne «Otbasylyq qundylyqtardy nyǵaıtý, turmystyq zorlyq-zombylyqtyń profılaktıkasy jáne reprodýktıvti densaýlyqty saqtaý máselelerin turǵyndar arasynda ilgeriletý boıynsha dinı birlestiktermen jumys týraly» Din isteri basqarmasy basshylarynyń atqarylǵan jumystar týraly baıandamalary tyńdaldy. Onda ózekti máseleler talqylanyp, sheshý joldary qarastyryldy.

Qorytyndysy boıynsha Shymkent qalasynyń ákimi janyndaǵy áıelder isteri jáne otbasylyq-demografıalyq saıasat jónindegi Óńirlik komısıa tarapynan tıisti jumystardy júrgizý boıynsha birqatar quzyrly organdarǵa usynystar berildi.