Shymkent qalasynyń ákimi Murat Áıtenovtiń tóraǵalyǵymen Investısıalyq shtabtyń kezekti otyrysy ótti. Jıynda jańa jobalar men ózekti máseleler, aýdandarda 2021 jyldarǵa bekitilgen ınvestısıalardyń, hattamalyq tapsyrmalardyń oryndalý barysy talqylandy.

Jıynda «Zoom» júıesi arqyly jeke kásipkerler jańa jobalaryn usyndy. Qurylys, saýda, kópqabatty turǵyn úı baǵytynda, jalpy 8 joba tanystyryldy.
Atap aıtqanda, «Asabaev D.E» JK metal konstrýksıalar daıyndaý óndirisi, lak-boıaýlary, respıratorlar kásiporny, «Orient Ceramic» kompanıasynyń keramıkalyq plıtalar óndirisi jobasy tanystyryldy.
Sondaı-aq, «BAZIS Shymkent» JSHS, «Uly-Orda» JSHS, «Prestige House» JSHS kópqabatty turǵyn úı, «Abdıeva A» JK bıznes ortalyǵyn salýǵa nıetti ekenin jetkizdi.

Usynylǵan jobalardyń ishinde 4 joba qurylys ındýstrıasyna qyzmet etetin kásiporyndar. Olar qarqyn alǵan qurylys salasyn otandyq ónimdermen tolyqtyryp, Shymkent qalasyn qurylys ındýstrıasy damyǵan ortalyqqa aınalýyna yqpal etedi.

Qala ákimi barlyq jobalarǵa qolaıly jaǵdaı jasalatynyn, jer telimi jáne ınfraqurylym máseleleri der kezinde sheshiletinin aıtyp, kásipkerlerdi ınvestısıa salýǵa shaqyrdy.