Shymkent qalasynyń ınvestısályq shtab otyrysynda hattamalyq tapsyrmalardyń oryndalý barysy talqyǵa tústi. Qalalyq kásipkerlik jáne ındýstrıaldy-ıınovasıalyq damý basqarmasynyń basshysy B.Dúısebekov hattamalyq tapsyrmalardyń oryndalýy boıynsha baıandama jasady.

Basqarma basshysynyń aıtýynsha, jalpy 145 hattamalyq tapsyrma berilgen. Búginde onyń 137-i oryndalsa, 8-i oryndalý satysynda.
Atap aıtqanda, sáýlet, qala qurylysy jáne jer qatynastary basqarmasy 2, energetıka jáne komýnaldyq-sharýashylyq basqarmasy tarapynan 6 tapsyrma oryndalýda.

«Tassaı» ındýstrıalyq aımaǵynda ornalasqan «DENTAFILL KAZAKHSTAN» JSHS dári-dármek jáne gıgıenalyq buıymdar óndirisi jobasyn qajetti gaz júıesimen qamtamasyz etý máselesi boıynsha usynys engizilgen bolatyn.
Búginde «Tassaı» ındýstrıalyq aımaǵynda ornalasqan kásipkerlik nysandarǵa tabıǵı gazdyń jetispeýshiligi boıynsha 2-shi kezeńiniń qurylys jumystaryna (tabıǵı gaz) jobalaý-smetalyq qujattama ázirlendi. Sonymen qatar, «Tassaı» ındýstrıalyq aımaǵy ınjenerlik ınfraqurylymynyń qurylysy boıynsha tehnıkalyq-ekonomıkalyq negizdemesine túzetýler engizilýde. 2021 jyldyń qyrkúıek aıynyń sońyna deıin saraptama qorytyndysy alynady.
Qurylys jumystaryn 2021 jyldyń sońyna deıin júrgizip, aımaqtaǵy ónerkásip nysandaryn tabıǵı gaz júıesimen qamtý josparlanýda.

Jalpy hattamalyq tapsyrmalardy 1 qarashaǵa deıin oryndaý mindettelip otyr.