Shymkent qalasynyń №2 qalalyq aýrýhanasynda Nur-Sultan qalasynan kelgen rentgenhırýrg Evgenıı Mýnnyń qatysýymen «Osteoartrıt kezinde tize asty arterıasynyń tarmaqtaryn embolızasıalaý» taqyrybynda sheberlik saǵaty ótkizildi.

Tize býynynyń aýyr osteoartrıti bar naýqastarda aýyrsynýdy tıimdi azaıtý úshin tize asty arterıanyń tarmaqtaryn embolızasıalaý usynylýy múmkin. Bul ádisti konservatıvti emdeýge kelmeıtin jáne rekonstrýktıvti operasıaǵa múmkindigi kelmeıtin naýqastarda usynylady.

Tize asty arterıanyń tarmaqtaryn embolızasıalaý - qabynýdy azaıtý arqyly aýyrsynýdy jáne osteoartrıttiń basqa belgilerin azaıtý úshin ıntervensıalyq rentgenhırýrgtarmen júrgizetin jańa tásil. Sheberlik saǵaty kezinde aýrýdyń ártúrli satylary bar 5 naýqasqa alǵash ret jańa ádispen ota jasaldy. Otadan keıin pasıentter ózderin jaqsy sezinýde jáne jaqyn kúnderi aýrýhanadan shyǵady dep kútilýde.

Aıta ketetini №2 qalalyq aýrýhanasynda bıyl naýryz aıynda mı qan aınalymynyń buzylysy bar naýqastarǵa shuǵyl medısınalyq kómek kórsetý úshin ınsýlt ortalyǵy, rentgenohırýrgıalyq dıagnostıka men emdeý ádisteri bólimshesi (angıografıa) ashylǵan bolatyn. Búgingi tańǵa deıin onda 220 rentgenhırýrgıalyq ota jasalǵan.