Shymkent qalasynda jyl basynan beri 55 myńǵa jýyq adam KT zertteýinen ótken. Olardyń basym bóligi pnevmonıaǵa shaldyqqan jáne koronavırýs dıagnozy rastalǵan naýqastar. Bul týraly qalalyq densaýlyq saqtaý basqarmasy habarlady.

Kompúterlik tomografıa apparaty qaladaǵy 21 medısınalyq uıymda bar. Al, qalalyq ınfeksıalyq aýrýhana men №2 jáne №3 aýrýhanalarda KT apparaty táýlik boıy jumys isteıdi.

Kompúterlik tomografıa apparaty ókpesi qabynǵan naýqastardy emdeýde zor septigin tıgizedi. KT-dıagnostıkasy dárigerlerdiń patologıanyń bar-joǵyn 100 paıyz dáldikpen anyqtaýǵa, emdeýdiń tıimdi taktıkasyn ázirleýge múmkindik beredi.

Búginde dárigerlerimiz naýqastarǵa emdeýdiń tıimdi taktıkasyn qoldana otyryp, ókpeniń zaqymdaný paıyzy 80-90 ǵa jetken azamattardy jazyp shyǵarýda.

Kompúterlik tomografıa (KT) - ártúrli aýrýlardy dıagnostıkalaýdyń zamanaýı ádisteriniń biri. Bul zertteý ádisiniń negizi rentgen sáýleleriniń áreketi bolyp tabylady. Qurylǵy pasıenttiń aınalasynda aınalady jáne birneshe sýretke túsiredi, ony kompúter óńdeıdi jáne dáriger qorytyndylaıdy. Kompúterlik tomografıa adamnyń ishki aǵzalary men tinderiniń aýrýlaryn dıagnostıkalaý úshin júrgiziledi.