Memleket basshysy Qazaqstan halqyna Joldaýynda «Sybaılas jemqorlyqpen tıimdi kúresti jalǵastyrý qajet. Quzyrly agenttik jyl sońyna deıin orta merzimdi kezeńdegi is-qımylymyzdyń baǵdarlamasyn aıqyndaıtyn strategıalyq qujatty bekitýge usynýy kerek» dep atap ótti.

Osyǵan oraı, Sybaılas jemqorlyqqa qarsy is-qımyl Agenttigimen «Qazaqstan Respýblıkasynyń sybaılas jemqorlyqqa qarsy saıasatynyń 2022-2026 jyldarǵa arnalǵan tujyrymdamasy» jobasy usynylyp, túrli alańdarda talqylanýda. Búgin Shymkentte «Antikor ortalyǵy» servıstik ortalyǵynda qoǵam belsendilerine atalǵan Tujyrymdama tanystyrylyp, talqylaýǵa usynyldy.

Agenttiktiń Shymkent qalasy boıynsha departamenti basshysynyń birinshi orynbasary T.Serikbaevtyń tóraǵalyǵymen ótken jıynǵa qoǵam, buqaralyq aqparat quraldary, memlekettik organdar, máslıhat depýtattary jáne ǵylymı orta ókilderi men aqparattyq-aǵartýshylyq shtabynyń músheleri qatysty.

Talǵar Serikbaev, zańnamalyq ózgerister men jemqorlyqpen kúrestegi jańa tásilderge, Konsepsıanyń qurylymy men negizgi baǵyttaryna toqtaldy. Tujyrymdama 6 bólikten, ıaǵnı, parasatty minez-qulyqqa yntalandyrý, jemqorlyq múmkindikterin joıý, jaýapkershiliktiń sózsizdigi, jemqorlyqqa qarsy is-qımylǵa azamattyq qoǵamdy tartý, jemqorlyqqa qarsy saıasat tıimdiliginiń monıtorıńi men sybaılas jemqorlyqqa qarsy áreket boıynsha ýákiletti organ bólikterinen turatyndyǵy qatysýshylar nazaryna usynyldy. Shara barysynda ár tarmaqqa keńinen túsindirme berilip, kútiletin nátıjeler tanystyryldy. Jıynda qatysýshylar tarapynan birqatar pikirler men usynystar aıtylyp, jumys tobyna joldanatyn bolady.