Shymkent qalasynda «Ulttyq saraptama ortalyǵy» MK men Izraıldiń AID Genomics halyqaralyq genomdyq kompanıasy arasyndaǵy kelisim sheńberinde koronavırýstyq ınfeksıany dıagnostıkalaýǵa arnalǵan zerthanalyq keshen ashyldy.

Keshenniń saltanatty ashylý rásimine Izraıldiń Qazaqstandaǵy Elshiligi Mısıasy basshysynyń orynbasary Galına Frenkel, qalalyq densaýlyq saqtaý basqarmasynyń basshysy Baqytjan Pozılov qatysty.

AID Genomics juqpaly aýrýlardy dıagnostıkalaýǵa mamandandyrylǵan jetekshi dıagnostıkalyq kompanıa yntymaqtastyq aıasynda koronavırýstyq ınfeksıny zertteý jabdyqtary boıynsha gýmanıtarlyq kómek kórsetti.

Bul zerthanalyq jabdyq táýligine 2500-ge deıin test oryndaýǵa qabiletti, ónimdiligi joǵary tolyq avtomattandyrylǵan keshen bolyp sanalady. Zerthanamen birge nátıjelerdi qalyptastyrý, prosesti monıtorıńteý jáne jedeldetý úshin jasandy ıntellekt tehnologıasy qoldanylatyn jeke ázirlengen qamtamasyz etý baǵdarlamasy paıdalanýǵa berildi.
Bul óz kezeginde adam faktorynyń áserin barynsha azaıtady jáne nátıjelerdiń dáldigin qamtamasyz etedi. KOVID-testileý kesheni joǵary ónimdi, jyldam, dál nátıje beredi.

Aıta ketý kerek, bul bastama Qazaqstannyń Izraıldegi elshiliginiń qoldaýymen júzege asyryldy.