Shymkent qalasyndaǵy tórt aýdanda bıyl memlekettik baǵdarlama aıasynda 118 aýla abattandyrylyp, turǵyndardyń ıgiligine tapsyrylýda. Onyń ishinde 66 aýla Prezıdenttiń «Halyq qatysatyn búdjet» jobasy aıasynda.

- Eńbekshi aýdanynda 2011-2020 jyldar aralyǵynda 373 aýla abattandyrylǵan bolsa, bıylǵy jyly turǵyndardyń usynysymen 41 kópqabatty úıdiń aýlalaryn jańartý, tozyǵy jetken balalar oıyn alańdaryn qaıta qurý jumystary júrgizilýde. 24 kópqabatty úıdiń aýlalarynda abattandyrý jumystary aıaqtalyp, turǵyndardyń ıgiligine berildi.

- Al, 453 kópqabatty turǵyn úı, 258 aýlaǵa biriktirilgen Abaı aýdanynda osy jyly 21 aýla abattandyrylýda. 2022 jyly 10 aýlany, 15 balalar alańshasyn ornatý josparlanýda.

- Qarataý aýdanynda osy jyly 29 aýla abattandyrylyp, balalar oıyn alańshasy men jattyǵý trenajerlaryn qoıý jumystary júrgiziledi.

- Ál-Farabı aýdanyndaǵy 27 aýlany abattandyrý jumystary júrgizilip, onyń 9 aıaqtaldy. Turǵyndar ıgiligine berilgen alańdar Otyrar shaǵyn aýdanyndaǵy №11, 12, 13, 38 kópqabatty úı men Ábdirazaqov kóshesindegi №3, 9, 1, 2,15 úı, Baıtursynov kóshesindegi №10, Jangeldın kóshesindegi № 8, 8A úı, jáne Qabanbaı batyr kóshesindegi 11A men 11B úı aýlasynda ornalasqan. Jyl sońyna deıin bul baǵyttaǵy 18 aýla paıdalanýǵa beriledi.

Abattandyrý jumysyna balalar alańshalary, demalýǵa arnalǵan bastyrma (besedka), oryndyqtar, qoqys jáshikteri jáne oıyn elementteri kiredi. Alańshalardaǵy oıyn qurylǵynyń barlyǵy Shymkent qalasynda óndirilgen.