Shymkent qalasy Ál-Farabı aýdanynda dástúrli sanaq jumystary 1 qazanda bastalǵan bolatyn. Búginde aýdan aýmaǵy 28 ýchaskige bólinip, onda oram basqarýshylary men eriktilerden quralǵan 28 nusqaýshy-baqylaýshy men 192 ıntervúer jumys atqarýda.

Aýdan ákimi Rashıd Myńbaev kópqabatty jáne jeke úılerge sanaqshylarmen birge baryp, turǵyndardy sanaqqa tirkeý prosesin jiti baqylady. Aýdan ákimi azamattarǵa elimizde ótip jatqan demografıalyq jáne saıası mańyzdy is-sharada belsendilik tanytýǵa shaqyrdy.

Odan bólek, Ál-Farabı aýdanynda adam kóp shoǵyrlanatyn 10 núktede turǵyndardyń onlaın sanaqtan ótýi úshin óz-ózine qyzmet kórsetý buryshtary uıymdastyrylyp, sanaqshylar azamattarǵa arnaıy silteme arqyly sanaqqa onlaın qatysýdyń tásilderin túsindirýde.