Bul kórsetkish ótken jyldarǵa qaraǵanda edáýir jaqsy. Bul týraly Arnaıy brıfıńte Shymkent qalalyq Polısıa departamentiniń bastyǵy aıtty. Ol osy kórsetkishti tómendetip almaý qajettigin atap ótti.

Shymkent qalalyq Polısıa departamentiniń bastyǵy Eraly Jumahanbetov sońǵy 3 jyl kóleminde birqatar qylmystar 100 paıyz ashylǵandyǵyn aıtady. Olardyń qatarynda aýyr jáne asa aýyr sanattaǵy kisi óltirý, densaýlyqqa aýyr jaraqat salý, zorlaý, kámeletke tolmaǵandarǵa qatysty jasalǵan zorlyq jáne jas balalardy azǵyndyq jolǵa ıtermeleý bar.

Eraly Jumahanbetov, Shymkent qalasynyń Polısıa departamentiniń bastyǵy
- Jalpy qylmystyń sany 6548-den 6907-ge kóbeıip, nebári 5%-ǵa ósý tendensıasy oryn aldy. Oǵan sebep, byltyrǵy jyly tótenshe jaǵdaı kezinde qylmystardyń sany ótken jylmen salystyrǵanda 2781-den 1353-ke nemese -51%-ǵa edáýir tómendep ketýdiń saldarynan bolyp otyr.

Aldaǵy ýaqytta qylmys pen quqyq buzýshylyqtardyń aldyn alý maqsatynda qalada beınekameralar iske qosylatyn bolady. Búginde olardyń 857 -si 355 meken-jaıǵa qoıylǵan.

Eraly Jumahanbetov, Shymkent qalasy Polısıa departamentiniń bastyǵy
- Qylmystyń aldyn alý men izin sýytpaı ashýda «Shymkent qalasy – qaýipsiz qala» aıasynda ákimdiktiń qoldaýymen kósheler men kópqabatty úılerdiń aýlalaryna 3740 beınekameralar ornatý jyldyń sońyna deıin josparlanǵan. Onyń ishinde 2240 jol qaýipsizdigin qadaǵalasa, 1500 qoǵamdyq qaýipsizdik qaýipsizdikti qadaǵalaıtyn bolady. Osy kameralar 120 kóshe qıylystaryna 1440 kamera, kóshelerdiń boıyna 200 orynǵa 800 kamera, halyq kóp shoǵyrlanatyn oryndar men úı aýlalaryna 1500 kamera ornatý josparlanǵan bolatyn.

Departament bastyǵynyń málimetinshe bıyl birneshe qylmys túriniń sany azaıǵan. Onyń ishinde orta dárejeli qylmystar – 4%, kisi óltirý – 22%, qaraqshylyq – 28%-, tonaý -11%, bótenniń múlkin urlaý -14%-ǵa tómendep otyr.