Qazirgi tańda Shymkent qalasynda Halyqaralyq baǵytta 4 áýe qatynasy júzege asyrylǵan. Atap aıtqanda, Stambýl, Máskeý, Kýtaısı jáne Shardja qalalaryna jolaýshylar tikeleı qona alady.

Elimizdiń úshinshi megapolısinde Halyqaralyq baǵyttardan bólek Qazaqstannyń ózge óńirlerimen de tikeleı baılanys bar. İshki týrızmdi damytý maqsatynda 8 óńirmen, atap aıtqanda Nur-Sultan, Almaty, Aqtaý, Atyraý, Aqtóbe, Qostanaı, Oral jáne Semeı qalalarymen tikeleı áýe qatynasy bar. 

Shymkent qalasyna kelýshiler shahardaǵy saıabaq, murajaı, tarıhı oryndar syndy 100-ge jýyq týrısik nysandy tamashalaı alady. Ol úshin Shymkent qalasy Týrızm jáne syrtqy baılanystar basqarmasyna qarasty «Visit Shymkent» týrısik-aqparattyq ortalyǵy tarapynan 17 týrısik marshrýt ázirlengen. Marshrýt arqyly kelgen týrıser esh kedergisiz baryp, ýaqytty tıimdi paıdalanyp ári ózderi biletin tilde aqparat alýyna bolady. Sonymen qatar, ońtústiktiń týrızmi bastaý alatyn tirek týrısik núktesi Saıram turǵyn alabynda respýblıkalyq mańyzy bar Qazaqstannyń Sakraldy geografıasyna engen Ibragım ata, Qarashash ana keseneleri men Mártóbe kesheni sekildi 7 kıeli nysandy kórip, tarıhymen tanysa alady.

Aıta keterligi, byltyr bul týrısik nysandarda aqparattyq qoljetimdilikti arttyrý maqsatynda 3 tildegi QR-tólqujattar men navıgasıalyq stelalar ornatylǵan bolatyn.

Jalpy, búginde Shymkent qalasynda turǵyndar men týrıser úshin 125 ornalastyrý orny, 1216 tamaqtaný orny, 87 týrısik uıym qyzmet kórsetýde. Jyl sońyna deıin qalaǵa kelýshiler sanyn 300 myńnan asyrý josparlanyp, qala ekonomıkasyna túsetin tabys kólemin eki esege arttyrý kózdelgen.

Shymkent qalasy Týrızm jáne syrtqy baılanystar basqarmasynyń baspasóz qyzmeti