Beısenbide Kıevte Ýkraına ulttyq ǵylym akademıasynyń 1 myńǵa tarta ǵylymı qyzmetkeri ǵylymǵa qarjylaı qoldaý kórsetýdi talap etip, úkimet úıiniń aldynda sherý ótkizdi. Sherýshiler "Ǵylymǵa qoldaý bolmasa, memleket qulaıdy", "Ǵylymnan aıaǵan aqsha bóten eldiń ekonomıkasyn damytady" degen plakattar ustap shyqty. Olar ortalyqtaǵy birneshe kósheni jaýyp, kólik qozǵalysyn birneshe saǵatqa toqtatyp tastady. Ǵylymı qyzmetkerler ǵalymdardyń jalyqynyń tómendiginen jáne memleketten qoldaý bolmaǵan soń Ýkraınadan jappaı AQSH pen Reseıge ketip jatqanyn aıtady. Ulttyq ǵylym akademıasy kásipodaǵynyń tóraǵasy Anatolıı Shırokovtyń aıtýynsha, úkimet bıyl ǵylym salasyna ǵalymdar suraǵannan ondaǵan mıllıon AQSH dolaryna az qarjy bólgen.