Prezıdent Qasym-Jomart Toqaev Twitter-degi paraqshasynda Jańaózendegi jaǵdaıǵa qatysty eki jazba jarıalady.

"Úkimetke Jańaózendegi jaǵdaıdy ekonomıkalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tıis", "Azamattardyń jergilikti jáne ortalyq bılik organdaryna talabyn ashyq aıtýǵa quqyǵy bar, biraq, bul zańǵa, naqtyraq aıtqanda, beıbit sherýler týraly zańǵa sáıkes júzege asyrylýy kerek" delingen habarlamada.

Aıta keteıik, Jańaózen qalasynyń halqy gaz baǵasynyń kóterilýine oraı narazylyq bildirýde.

Energetıka mınıstrligi ókilderi gaz baǵasy naryqta qalyptasqan jaǵdaıǵa jáne suranystyń kóbeıýine baılanysty qymbattaǵynyn, baǵa endi burynǵy deńgeıge qaıta kelmeıtinin aıtady.

Qalada uıaly baılanys pen ınternet ustamaıdy. Jergilikti bılik ókilderi men prokýratýra azamattardy  taraýǵa shaqyryp jatyr. Narazy adamdar talaby oryndalmaıynsha alańnan ketpeıtinin jetkizýde.

Alańǵa ystyq tamaq, sháı ákelip jatqany habarlandy.

Tańerteń narazylyqqa shyqqan adamdarmen sóılesý úshin astanadan bılik ókilderi keledi degen aqparat bar.

Oqı otyryńyz:

♦ Aqtaý, Aqtóbede adamdar alańǵa shyqty. Munaıshylar jumysyn toqtatty