Prezıdent Qasym-Jomart Toqaev Qaýipsizdik keńesiniń otyrysynda eldegi jaǵdaıdyń qıyndyǵyn aıtyp, birqatar jedel shara qabyldaý qajet ekenin málimdedi.
Toqaev atalǵan toptar shyn máninde, shetelde úlken daıyndyqtan ótken halyqaralyq terrorıster ekenin jáne olardyń Qazaqstanǵa jasaǵan shabýylyn basqynshylyq akti retinde qarastyrý qajet ekenin aıtty.
– Osyǵan baılanysty Qaýipsizdik alqasy jónindegi Shartqa súıene otyryp, men UQSHU memleketteriniń basshylaryna osy terorıstik qaýipti eńserý úshin Qazaqstanǵa kómek kórsetýdi suradym. Shyn máninde, bul – qaýip qana emec, bul – memlekettiń tutastyǵyna nuqsan keltirý, azamattarymyzǵa shabýyl jasaý. Olar menen, memleket basshysy retinde tez arada ózderin qorǵaýdy suraıdy.
Azamattarymyzdyń ıgiligin, qaýipsizdigi men tynyshtyǵyn oılaý – meniń Konstıtýsıalyq mindetim. Sondyqtan UQSHU-daǵy áriptesterime bildirilgen ótinish – ýaqytyly ári tolyǵymen durys qabyldanǵan sheshim.
Qazaqstan halqy bul sheshimdi qoldaıtynyna senimdimin. Jumylsaq, sózsiz, jeńemiz. Terorıstik toptar iri ınfraqurylymdyq obektilerge shabýyl jasaýda. Atap aıtqanda, Almaty áýejaıy, bes ushaq, onyń ishinde sheteldik te ushaqtar basyp alyndy. Ókinishke qaraı, Almaty qalasyna shabýyl jasalyp, qıratýǵa jáne vandalızmge jol berildi. Qala turǵyndary terrorıster men qaraqshylar shabýylynyń qurbanyna aınaldy. Sondyqtan bizdiń, onyń ishinde osynda qatysyp otyrǵan Qazaqstan Respýblıkasy Qaýipsizdik Keńesi músheleriniń mindeti – elimizdi syrtqy qaýipten qorǵaý úshin barlyq qajetti ári múmkin bolǵan sharalardy qabyldaý, – dedi Qasym-Jomart Toqaev.
Eske salaıyq, Almaty men Qazaqstannyń batysyndaǵy tártipsizdikterge baılanysty búkil Qazaqstan boıynsha tótenshe jaǵdaı engizilgen bolatyn.
Tártipsizdikter barysynda 317 polısıa qyzmetkeri men Ulttyq ulannyń áskerı qyzmetshileri túrli jaraqattar alyp, 8 adam qaza tapqan. Almatyda jappaı tonaý bolyp jatyr.
Qazir tártipsizdikterdiń aldyn alý úshin sharalar qoldanylyp jatyr.
Pikir qaldyrý