Birikken Ulttar Uıymynyń Bas hatshysy Antonıý Gýterrısh Kıevte Ýkraına prezıdenti Vladımır Zelenskıımen kezdesken kezde Reseı Ýkraına astanasyn shabýyldady..

Zelenskıı Reseıdi "BUU-ny masqaralaýǵa tyrysty" dep aıyptady.

Al Kıev meri Vıtalıı Klıchko BUU bas hatshysynyń sapary kezinde Reseı Kıevke zymyranmen soqqy jasaýyn "Pýtınniń ortańǵy saýsaǵyn kórsetýi" dep sıpattaıdy.

"Bul (shabýyldyń) sımvoldyq máni bar, dál qazir munda Birikken Ulttar Uıymynyń Bas hatshysy júr. Bul oǵan sálem dep atalady. Pýtın osy sátte ortańǵy saýsaǵyn kórsetti. Ol bizdiń úılerimizdi atqylap, qıratyp jatyr. Onyń kózdegeni úı emes, adam" deıdi Kıev meri.

Máskeý keshe túnde Kıevti, onyń ishinde zymyran shyǵaratyn nysandy nysanaǵa alǵanyn rastaǵan.

NATO Bas hatshysynyń orynbasary Mırcha Geoana VVS-ge bergen suhbatynda Ýkraınadaǵy soǵystyń birneshe jylǵa jalǵasýy múmkin ekenin aıtty.