Kóktemgi egis jumystary úshin aýyl sharýashylyǵy taýaryn óndirýshilerge 400 myń tonna dızel otyny bólindi. 2022 jyldyń aqpan-sáýir aılarynda onyń 231 myń tonnasy nemese 92% jetkizildi. Bul týraly Ortalyq komýnıkasıalar qyzmetinde QR Energetıka vıse-mınıstri Áset Maǵaýov málim etti.
– Aýyl sharýashylyǵy taýaryn óndirýshiler úshin munaı óńdeý zaýyttarynan dızel otynyn jóneltý basym negizde júzege asyrylady. Bul rette tıep-jóneltýdi baqylaý jáne monıtorıńteý táýlik saıynǵy negizde júrgiziledi. Kóktemgi egis jumystaryna arnalǵan dızel otynynyń baǵasy munaı óńdeý zaýyttarynda 1 tonnasy úshin 212 myń teńgeni (lıtrine 176 teńge) quraıdy. Óńirlerge deıin jetkizýdi jáne saqtaýdy eskere otyryp, aýyl sharýashylyǵy taýaryn óndirýshiler úshin boljamdy baǵa bólshek saýda baǵasynan ortasha alǵanda 15-30%-ǵa tómen bolady. 2019 jylmen salystyrǵanda baǵa ósimi 8,4%-dy quraıdy nemese jyl saıynǵy ósimniń 3%-ynan aspaıdy, – dedi spıker.
Pikir qaldyrý