Ýkraına prezıdenti Vladımır Zelenskıı "Reseı Ýkraınanyń azamattyq jáne áskerı ınfraqurylymyn uzaq qashyqtyqtaǵy zymyrandarmen atqylap jatyr, óıtkeni onyń armıasy jerdegi betpe-bet shaıqasta aıtarlyqtaı jetistikter kórsete almady" deıdi.

Keshe túnde jarıalaǵan vıdeoúndeýinde Zelenskıı Lvov, Sýmy jáne Chernıgov oblystaryn reseılik kúshter zymyranmen atqylanǵanyn aıtty. Lýgansk oblysynda áýe soqqylary, shekaralas aýdandarda "sabotaj áreketi" bolǵanyn málimdedi.

"Munyń bári kúshimizdi synaý úshin de emes. Reseı armıasy elimizdiń shyǵysy men ońtústiginde birqatar sátsizdikterge, shyǵyndarǵa ushyrady, endi sonyń ornyn toltyrý úshin osylaı istep jatyr. Olar jalpy alǵanda tabysqa qol jetkize almady. Sondyqtan olar zymyrandary men basqa áreketteri arqyly tabysqa jetýge tyrysady" deıdi Zelenskıı.

Derekkeóz: VVS