Syrtqy ister mınıstrliginiń ókili Qytaı túrmesinde jazasyn ótep jatqan qazaqstandyq Aqjarqyn Turlybaıǵa qatysty pikir bildirdi, dep habarlady Tengrinews.kz saıty.

SİM baspasóz qyzmetiniń málimetinshe, qazirgi ýaqytta Aqjarqyn Turlybaıdy Qazaqstanǵa qaıtarý máselesi pysyqtalyp jatyr.

"Qazir eki eldiń bas prokýratýrasy arasynda jaza merzimin odan ári óteý úshin ony Qazaqstanǵa berý múmkindigine qatysty tıisti jumystar jalǵasyp jatyr" dedi vedomstvonyń baspasóz qyzmeti ókili.

Qazaqstandyq dıplomattar Aqjarqyn Turlybaımen únemi baılanysta ekenin aıtady.

"Ol aǵylshyn jáne qytaı tilderin úırenip jatyr. Densaýlyǵyna qatysty shaǵym joq, kóńil-kúıi qalypty" delingen SİM habarlamasynda.

Buǵan deıin advokat Suńqar Nurmaǵambetov Qytaıda ómir boıyna sottalǵan Aqjarqyn Turlybaıdy ekstradısıalaý týraly aıtýǵa áli erte ekenin, másele áli sheshilmegenin aıtqan.

"Qazaqstan Respýblıkasynyń sottalǵan azamattaryn elge qaıtarý 2015 jyldyń 30 qyrkúıeginde Beıjińde qol qoıylǵan ekijaqty kelisimmen retteledi. Mundaı kelisim barlyq elde joq. Bul – fakt!

Elge qaıtarý myna prosedýralardan turady:

1. Úkimdi ómir boıyna bas bostandyǵynan aıyrýdan bas bostandyǵynan aıyrýǵa (merzim boıynsha eseptelgen) qaıta qaraý týraly qaýly elge qaıtarýǵa tikeleı yqpal etedi.
2. QR Bas prokýratýrasyna sottalýshyny elge qaıtarý týraly ótinishhat joldaý. Ótinishhatty men 2016 jyldyń sáýirinde bastadym.
3. Bas prokýratýra men QR SİM-niń Qytaı tarapymen baǵdarlamany oryndaý boıynsha ózara is-qımyly.

Óte mańyzdy sát. Bıyl jaza qaıta qaralýy múmkin" dedi Nurmaǵambetov.