Búgin Almatydaǵy M.Gandı atyndaǵy saıabaqta BAQ ókilderiniń qatysýymen jýrnalıserdiń sóz bostandyǵyna arnalǵan mıtıń ótti. Ruqsat etilgen mıtıńti "Ádil sóz" sóz bostandyǵyn qorǵaý uıymy men Orda.kz aqparat agenttigi uıymdastyrǵan. 

Mıtıńte alǵashqylardy biri bolyp sóz alǵan "Ádil sóz" uıymynyń basshysy Tamara Kaleeva Qazaqstanǵa senzýraǵa qarsy zań keregin aıtty. 

Sondaı-aq jýrnalıs Gúlnar Bajkenova, saıasatker Bolat Ábilov, Shymkent qalasynan kelgen jýrnalıs Amangeldi Batyrbekov jáne saıasatker Muhtar Taıjan Qazaqstandaǵy sóz bostandyǵy máselǵsi týraly oılaryn ortaǵa saldy bildirdi. 

Bolat Ábilov jýrnalıser óz oıyn ashyq bildirýdi toqtatpaýy kerektigin aıtady.

– Men de telearnalarda qyzmet ettim. Alaıda óz pikirimdi ashyq aıtýdan qashpadym. Sizder de óz pikirlerińizdi qorǵańyzdar. Bizdiń elde jýrnalıserge beıádep sóıleıtin mınıstrler bolmaýy kerek. Ondaı mádenıetsiz mınıstrlerdi birden otstavkaǵa jiberý kerek dep oılaımyn, – deıdi Ábilov. 

Al jýrnalıs, zańger Amangeldi Batyrbekov jýrnalısik zertteý jasap, maqala jarıalaǵany úshin birneshe ret túrmege otyrǵanyn jetkizdi. Onyń sózinshe, zańger bolǵandyqtan ǵana 4 rette de aqtalyp shyqqan. Alaıda keıin belgisiz adamdar tarapynan ózine oq atylyp, uly jaralanǵan. Batyrbekov bul jaǵdaıdy jýrnalısik qyzmetimen baılanystyrady.

– Meni toqtata almaıtynyn bilgen soń  bılik ókilderi belgisiz adamdardy jaldap meni óltirýge tyrysty. Biraq men bul joldan eshqashan qaıtpaımyn. Árbir jýrnalıs shyndyqty jazýdan qoryqpaǵan kezde ǵana elimiz alǵa jyljıdy. Sóz erkindigin aıaqqa taptatpaýymyz kerek. Maǵan qastandyq jasasa da jýrnalısıka salasyn tastap ketpedim. Bul – jalǵan uran emes. Men keleshek urpaǵymdy oılaımyn. Eger qysym jasaldy eken dep, qorqyp qalatyn bolsaq, bolashaq balalarymyz qandaı qoǵamda ómir súrmek?! Sol sebepti biz basymyzdy báske tigýimiz kerek, – deıdi Amangeldi Batyrbekov.

Mıtıń barysynda saıası belsendi Muhtar Taıjan jýrnalıserdiń suraǵyna jaýap berdi. 

– Sóz bostandyǵy bizdiń qanymyzda bar nárse. Ata-babamyz "Dat taqsyr" dep shyndyqty aıtqan. "Bas kespek bolsa da, til kespek joq" dep qazaq beker aıtpaǵan. Bizdiń elde resmı jáne beıresmı sóz bostandyǵy bar dep oılaımyn. Óıtkeni, áleýmettik jelilerde biz óz oıymyzdy erkin jetkize alamyz. Ókinishtisi, memlekettik arnalarda mundaı erkindik joq. Olar óz oıyn erkin ári ashyq jetkizetin spıkerlerdi efırge jibermeıdi. Iaǵnı, beıresmı sóz bostandyǵy bar. Biraq resmı túrde sóz bostandyǵymyz áli shekteýli, – deıdi Muhtar Taıjan. 

Aqparat jáne qoǵamdyq damý mınıstri Asqar Omarov Qazaqstandaǵy sóz bostandyǵyn bes baldyq meje boıynsha 4,9 balǵa baǵalaǵan. Al Muhtar Taıjan bılik adamynyń sóz bostandyǵyna qatysty mundaı baǵa berýi tańǵalarlyq jaıt emestigin aıtty. Muhtar Taıjan elimizdegi sóz bostandyǵyn 3,5 dep baǵalaıdy. Onyń oıynsha, Qazaqstanda áli kúnge deıin qańtar, jańaózen oqıǵalary jóninde ashyq aıtylmaı keledi. Ol memlekettik telearnalar bul taqyryptarda birjaqty ǵana aqparat taratyp otyrǵanyn atap ótti.