Aqtaýda 26 jastaǵy polısıa qyzmetkeriniń qazasyna baılanysty tergeý júrip jatyr, dep jazady InAktau.kz portaly.
3 tamyz kúni saǵat 3.50-de kezekshi polıseıge pyshaq jaraqatyn alǵan 26 jastaǵy jigit aýrýhanaǵa jetkizilgeni, alaıda esin jımastan qaıtys bolǵany týraly habar kelip túsken.
"Qaıtys bolǵan adam eńbek demalysynda júrgen polısıa qyzmetkeri bolyp shyqty. Jedel-izdeý sharalarynyń barysynda 27 jastaǵy kúdikti anyqtalyp, ustaldy" delingen Mańǵystaý oblysy Polısıa departamenti habarlamasynda.
Atalǵan derek sotqa deıingi tergeýdiń biryńǵı tizilimine qylmystyq kodekstiń 99-baby 1-bóligi (Adam óltirý) boıynsha tirkelip, sot-medısına saraptamasy taǵaıyndalǵan. Tergeý júrip jatyr.
Pikir qaldyrý