Toqaev úndeý joldady. Prezıdent saılaýy ótetin kún belgili boldy

Toqaev úndeý joldady. Prezıdent saılaýy ótetin kún belgili boldy

Qamshyger 14:21, 21 qyrkúıek 2022

/image/2022/09/21/crop-70_7_610x1084_news_full15775317339bbf9b32fcdbffd1dff9a736596b5e20-1200x630.jpg

Prezıdent Qasym-Jomart Toqaev Qazaqstan halqyna úndeý joldap, kezekten tys prezıdent saılaýy ótetin kúndi málim etti.

Prezıdent bıylǵy jyl jan-jaqty reformalar men naqty ózgerister jylyna aınaldy dep sanaıtynyn jetkizip júzege asyrylǵan ózgeristerdi sanamalap ótedi. Olardyń qatarynda májilis pen máslıhattar jańa aralas júıe boıynsha jasaqtalatyny, depýtattardyń bir bóligi partıalyq tizimmen, qalǵany bir mandatty okrýgten saılanatyny, konstıtýsıalyq sot qurylǵany, keıbir quzyretter prezıdentten parlamentke berilgeni sıaqty bılikshil sarapshylar saıası reformaǵa balaıtyn, táýelsiz sarapshylar saıası reforma ımıtasıasy dep ataıtyn ózgerister bar.

"Jalpy, sońǵy úsh jylda jasalǵan ózgerister men konstıtýsıalyq reforma memlekettik-saıası qurylymnyń jańa úlgisin qalyptastyrdy. Halyq bizdiń saıası júıeni ózgertý týraly josparymyzdyń mán-mańyzyn jaqsy túsinip otyr. Sondyqtan men buǵan deıin aıtylǵan saılaýdyń merzimine jáne Ata zańnyń talaptaryna sáıkes, Qazaqstan Respýblıkasy Prezıdentiniń kezekten tys saılaýyn 2022 jylǵy 20 qarashada ótkizý týraly Jarlyqqa qol qoıdym. Osy naýqan eldiń búkil saıası júıesin túbegeıli ózgertetin saılaý kezeńin bastap beredi. Sol arqyly ekonomıkany turaqty damytýdy, halyqtyń ál-aýqatyn arttyryp, turmys sapasyn jaqsartýdy kózdeıtin uzaq merzimdi mindetterdi júzege asyrýǵa múmkindik týady" degen ol kóp uzamaı qoǵamǵa saılaý aldyndaǵy tuǵyrnamasyn usynatynyn habarlady.