Almaty qalasynda Qazaqstan halqy Assambleıasynyń Respýblıkalyq Analar keńesiniń keńeıtilgen otyrysy óttiAlmaty qalasynda Qazaqstan halqy Assambleıasynyń Respýblıkalyq Analar keńesiniń keńeıtilgen otyrysy ótti.

2022 jyldyń 6-7 qazan kúnderi Almaty qalasynda Qazaqstan halqy Assambleıasynyń Respýblıkalyq Analar keńesiniń keńeıtilgen otyrysy ótti.İs-sharaǵa Qazaqstan halqy Assambleıasynyń músheleri, QR Parlamenti Senaty men Májilisiniń depýtattary, memlekettik organdardyń, QHA óńirlik Analar keńesiniń, etnomádenı birlestikter men úkimettik emes uıymdardyń ókilderi, sarapshylar qaýymdastyǵy men BAQ ókilderi qatysty.

İs-sharanyń ashylý barysynda QR Prezıdenti Ákimshiligi Basshysynyń Orynbasary A.Ǵ. Balaeva Analar keńesi «eń belsendi jáne mańyzdy qoǵamdyq qurylymdardyń biri jáne qoǵam ómirinde úlken áleýmettik mańyzy bar» ekenin atap ótti.Onyń sózinshe, Analar keńesiniń forýmy «tilekteri men nıetteri ortaq maqsatqa jetý jolynda turǵan halqymyzdy biriktiretin» ulttyq mereke - Respýblıka kúni qarsańynda ótip jatqan mańyzdy is-shara bolǵanyn eskerdi.A.Balaeva óz sózinde, Qazaqstan halqy Assambleıasynyń Analar keńesteriniń qyzmeti óz eliniń patrıottarynyń jańa býynyn tárbıeleýge baǵyttalǵanyn aıtty.Atap aıtqanda, ol barlyq óńirlerde iske asyrylyp jatqan Analar keńesiniń «Mádenıetti ana – mádenıetti ult» respýblıkalyq jobasy bolashaq urpaqqa mádenıettiń, adamgershiliktiń, meıirimdiliktiń qundylyqtaryn saqtaý jónindegi asyl mısıanyń jarqyn kórinisi bolǵanyn eske saldy.

Ekinshi jaǵynan, A. Balaeva Qazaqstan Prezıdenti Q.K. Toqaevtyń bastamalaryna – «Ulttyq qor – balalarǵa» jańa baǵdarlamasyna jáne saılaýaldy partıalyq tizimderdegi jáne depýtattyq mandattardy bólý kezindegi áıelder men jastarǵa arnalǵan 30 paıyzdyq kvotaǵa nazar aýdardy.Sondaı-aq, A.Balaeva Assambleıanyń XXXI sesıasynda Memleket basshysynyń tapsyrmasyn iske asyrýdaǵy, onyń ishinde qoǵamdyq qurylymdardy, Assambleıa medıatorlaryn quqyq qorǵaý qyzmetine tartý, etnomedıasıany damytý, jastarmen jumys, otbasylyq-turmystyq qatynastar salasyndaǵy quqyq buzýshylyqtarǵa qarsy is-qımyl, sondaı-aq áıelder men balalarǵa qarsy qylmystardyń aldyn-alý sharalaryn qabyldaýda Analar keńesiniń mańyzdy jáne belsendi rólin atap ótti.

Sóz sońynda A.Balaeva Analar keńesiniń jumysy Memleket basshysynyń ádil jáne adamgershilikti qoǵamdy qalyptastyrý boıynsha qoıǵan mindetterin iske asyrýǵa eleýli úles qosatynyna senim bildirdi.QHA-nyń Respýblıkalyq Analar keńesiniń aıryqsha ereksheligi onyń taqyryptyq sesıalarynyń ártúrliliginde boldy: «Mádenıetti ana – Mádenıetti ult» jobasynyń tujyrymdamasyn iske asyrý»; «Ulttyq tárbıe – memlekettiliktiń negizi»; «Dabyl: jaman ádet – ultqa qaýip»; «ulttyń bolashaǵy – sanaly urpaq»; «Tárbıe jumysy jáne belsendi qoǵam».Sesıa jumysy barysynda rýhanı-patrıottyq tárbıeniń ózekti máseleleri, jeke tulǵany qalyptastyrýdaǵy aǵa urpaqtyń róli, balanyń tulǵa retinde qalyptasýyndaǵy BAQ róli, tıimdi otbasylyq jáne urpaqaralyq komýnıkasıalar qarastyryldy.

Sóz sóıleýshiler Qazaqstanda kámeletke tolmaǵandar arasynda dinı qaýipsizdikti qamtamasyz etý, balalardyń ómirin sýısıdten saqtaý strategıasy, jastar arasynda jaman ádetterdiń aldyn alý, ata-analardyń psıhologıalyq–pedagogıkalyq saýattylyǵyn arttyrý, kámeletke tolmaǵandardyń quqyq buzýshylyqtarynyń aldyn-alý, memlekettik tildi ilgeriletý jáne damytý, otbasylyq-demografıalyq saıasat baǵyty boıynsha jobalar men mindetterdi iske asyrý máselelerin qozǵady.

2022 jylǵy 7 qazanda Qazaqstan halqy Assambleıasy Tóraǵasynyń Orynbasary M.Ázilhanovtyń qatysýymen plenarlyq otyrys ótti. Onyń sóziniń basty taqyryptarynyń biri «Mádenıetti ana – Mádenıetti ult» jobasyn qorytyndylaý jáne odan ári iske asyrý máseleleri týraly boldy.

Spıker bul jobanyń bolashaq urpaqtyń sanasy men tárbıesi qalyptasatyn qoǵamdaǵy mańyzdylyǵyn, sondaı-aq óńirlerdegi QHA Analar keńesteriniń «İsker áıelder qaýymdastyǵymen» sınergıasyn atap ótti.Forýmdy baǵalaý retinde M.Ázilhanov Keńes sesıalarynyń jumysy Qazaqstan analarynyń halyqtyń neǵurlym áleýmettik belsendi bóligi retindegi orasan zor áleýetin jáne Analar keńesterin qoǵamnyń áleýmettik ınstıtýty retinde nyǵaıtý qajettigin kórsetti.Onyń aıtýynsha, áıel – halqymyzdyń áleýmettik altyn kapıtaly, óıtkeni áıel jaratylysynan qalyptastyrýshy, otbasyn qurýshy – halyqtyń, memlekettiń irgetasy.

M.Ázilhanov QHA Analar keńesine aldaǵy ýaqytta da júıeli qoldaý kórsetetinine kepil berdi.Óz sózinde spıker Analar keńesiniń jumysynyń áleýmettik jáne mádenı jan-jaqtylyǵyn eskerip, áleýmettik jelilerde qazaqtildi kontenttiń tapshylyǵyn tómendetýge baǵyttalǵan «Qazaqstan halqy ertegileri» jáne «Hankast» jobalary, Qaraǵandyda «Shańyraq» kópbalaly analardy qoldaý ortalyǵy, Shymkent qalasynda «Baqytty januıa», «Belsendi uzaq ómir», «TEN QOGAM» ortalyqtaryna toqtaldy.

Óz sózinde, M.Ázilhanov óńirlerde «Otbasym-Otanym» jobasy, Soltústik Qazaqstan oblysynda «Adal jol» jobasy, Qostanaı oblysynda «Syrǵalym» mektepishilik klýby jáne «Jas Ulan» JQ-nyń uıymdastyrýymen «Ákem úıretedi» chellendji júzege asyp jatqanyn atap ótti. Al Tarazdaǵy «Anaǵa taǵzym» ortalyǵynyń jobasy ózge óńirlerge búginde úlgi boldy.Astanada «Baqytty ana – baqytty otbasy» baǵyty aıasynda «Keremet jol» otbasylyq at sporty klýby, «Aınalaıyn» etnolageri, «Qapsyrma» qazaq tájirıbelik tigin atelesi, qoldanbaly óner sheberhanasy quryldy.

Sondaı-aq elordalyq «Ana time» áleýmettik jobasy iske asyryldy, sonyń nátıjesinde Astanada 120-dan astam, Aqmola oblysynda 60-tan astam áıel óz isin uıymdastyryp otyr. Shymkentte stýdent jastarǵa arnalǵan «Qyz ósse – eldiń kórki» jobasy júzege asyrylsa, Pavlodar oblysynda «Ertis» telearnasynda Analar keńesi músheleriniń qatysýymen apta saıyn arnaıy baǵdarlama uıymdastyrylǵan.

Sóz sońynda M.Ázilhanov joǵaryda atalǵan jobalardyń arqasynda oblystyq, aýdandyq, aýyldaǵy analar, medıatorlar, kásipkerler, ata-analar, úlgili otbasylar, qoǵamdyq qabyldaýlar, oqý oryndary, qoldanbaly óner maıtalmandary men umyt bola bastaǵan ónerpazdar arasynda tyǵyz baılanys ornaǵanyn atap ótti.

Plenarlyq otyrys barysynda Qazaqstan halqy Assambleıasynyń Analar keńesi men Qazaqstannyń isker áıelder qaýymdastyǵynyń yntymaqtastyǵy týraly Memorandýmǵa qol qoıyldy.Quttyqtaý sózben «Qoǵamdyq kelisim» RMM dırektory, QR Prezıdenti janyndaǵy Ulttyq Quryltaı múshesi Qazbek Maıgeldınov sóz sóıledi, sonymen qatar, plenarlyq otyrysta Qazaqstan Respýblıkasy Parlamenti Senatynyń depýtaty Olga Býlavkına, Qazaqstannyń isker áıelder qaýymdastyǵynyń prezıdenti Raýshan Sársenbaeva, QR Bilim mınıstrligi Balalardyń quqyqtaryn qorǵaý komıteti tóraǵasynyń orynbasary, QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń múshesi Elına Paýlı, QHA Respýblıkalyq Analar keńesiniń múshesi Baıan Ahataı, Otbasylyq tárbıe ınstıtýtynyń basshysy Sofá Evdokımova, «Senimmen bolashaq» Respýblıkalyq ata-analar qoǵamdyq birlestiginiń Tóraǵasy Hyzyr Janarys, Jetisý oblysy Analar keńesi Tóraǵasynyń orynbasary Ǵalıa Aqbasova, Qaraǵandy oblysy Analar keńesiniń Tóraǵasy, QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń múshesi Lázzat Qojahmetova, Qazaqstan Jazýshylar Odaǵynyń múshesi Kamal Álpeıisova qatysty.

Forým jumysy barysynda Analar keńesiniń belsendi jobalaryna jáne úzdikterine arnaıy marapattar tabystaldy. Búgingi tańda elimizde 1847 analar keńesi jumys isteıdi, onyń jumysyna 13 myńǵa jýyq adam qamtylǵan.